Ana Mlungu Akusapikana Wuli Patukusimana ni Yipwetesi?

Ŵandu ŵane akusakulupilila kuti Mlungu jwangasamala ya yipwetesi yawo.

KWENDE TULOLE YAJIKUSASALA BAIBULO

• Mlungu akusayiwona soni akusasamala ya yipwetesi yatukusimana nayo

  “Yehofa jwayiweni kuti yitendo ya ŵandu yaliji yakusakala mnope . . . , soni yampweteche mumtima.”—Genesesi 6:5, 6.

• Mlungu chachimasya yipwetesi yosope

  “Kasigele kandaŵi panondi, ŵakutenda yakusakala chachimala. Elo, chimchasosasosa paŵatamaga, nambo ngasimwawona. Nambo ŵakulinondiya chachapa chilambo chapasi. Soni chachisangalala ni mtendele wejinji.”—Salimo 37:10, 11.

• Ana Mlungu akusaka kuti tutendeje chichi?

  “Yehofa akusala kuti, ‘Une ngumanyilila chenene yangwaganichisya jemanja. Nguganisya yakwapa mtendele ngaŵaga yisawusyo kuti akole sogolo jambone, soni chembecheyo. Chimchiŵilanga kwa une ni kwisa kukupopela nambosoni chinjimpikanila.’”—Yelemiya 29:11, 12.

  “Amŵandichile Mlungu, soni jwalakwe tachaŵandichila.”—Yakobo 4:8.