Tusaguleje Achimjetu Mwalunda

Masiku agano Aklistu mpaka alijiganye yejinji kutyochela pa yindu yayatendechele Aisalaeli m’chilambo cha Mowabu. (1 Akoli. 10:6, 8, 11) Aisalaeli ŵaŵatandite kunguluka ni achakongwe ŵa ku Mowabu ŵaŵatendaga ya msese, soni kulambila milungu jakupanganyidwa, ŵatesile ulemwa wekulungwa. Yakuyichisya yakwe yaliji yakogoya mnope. (Num. 25:9) M’wejisoni tusyungulilidwe ni ŵandu ŵangalambila Yehofa. Ŵandu ŵakwe mpela ŵakamula nawo masengo, achimjetu ŵa kusukulu, ŵakuŵandikana nawo majumba, soni ŵachibale ŵetu. Ana tukulijiganya chichi pa yindu yayatendechele Aisalaeli pangani jakunguluka ni ŵandu ŵangamlambila Yehofa?

ALOLELE FIDIYO JAKUTI, YISYASYO YAKUTUKALAMUSYA MASIKU AGANO—KAMBALI KA FIDIYO, KANEKO AJANJE YIWUSYO AYI:

• 

  Ana Simili ni ŵandu ŵane ŵakwete nganisyo syakulemwecheka syamtuli pa Yamini?

• 

  Ana Pinihasi ŵamkamuchisye chamtuli Yamini kuti ayiwoneje yindu m’litala lyakuŵajilwa?

• Ana pana kulekangana kwamtuli pasikati pa kusyoŵekana ni mundu jwangakulupilila ni kuŵa mjakwe jusyesyene?

• Ligongo chichi tukusosekwa kuŵa ŵakusamala mnope patukusagula achimjetu ŵapamtima atamose mumpingo?

• Ligongo chichi tukusosekwa kuŵambala kunguluka ni ŵandu ŵangatukwamanyilila chenene ŵakusasimanikwa pa malo gakunguluchila ga pa Intaneti?