Ana Akusakamulichisya Masengo Baibulo Jagamba Kupikanila?

Ana Baibulo jagamba kupikanila jili jamtuli? Jeleji jili Baibulo ja Chilambo Chasambano jelinganyesoni. Baibuloji akusajiŵalanga ni kwambula maloŵe gakwe, mwamti jikusakopoka m’yiŵecheto yejinji. Chindu chakusangalasya mnope ni Baibuloji chili chakuti, pakuŵalanga akusakamulichisya masengo maloŵe ga ŵandu ŵakulekanganalekangana pakusaka kwimila maloŵe ga ŵandu ŵa m’Baibulo. Akusalolechesyasoni kuti akuŵalanga mwakulondola soni mwakamulana ni msimu wa nganijo.

Ana Baibulo jagamba kupikanilaji jakamuchisye chamtuli ŵandu ŵane? Ŵandu ŵajinji ŵakusanonyela kupikanila Baibuloji akusasangalala mnope ligongo lyakuti maloŵe gakwe gakusigayika pamtima. Yili myoyo ligongo lyakuti jemanjaji pakupikana ŵandu ŵakulekanganalekangana ali mkuŵalanga maloŵe ga ŵandu ŵa m’Baibulo, akusalolaga munganisyo mwawo yindu yayatendekwe soni akusapikanichisya chenene Maloŵe ga Mlungu. (Mis 4:5) Nambosoni ŵandu ŵajinji akusayiwona kuti kupikanila Baibulo jejambule kukusikwakamuchisya pakulagasika nganisyo.—Sal 94:19.

Pakusapagwa yakuyichisya yambone naga tukupikana Maloŵe ga Mlungu gali mkuŵalanjidwa mwakwesya maloŵe (2Mb 34:19-21) Naga Baibulo josope kapena mbali sine syagamba kupikanila sikusimanikwa m’chiŵecheto chakusachipikana chenene, uli ngalinganya yakuti ajipikanileje ndaŵi ni katema?

ALOLELE FIDIYO JAKUTI YAYIKUSATENDEKWA PAKWAMBULA BAIBULO JAGAMBA KUPIKANILA—KAMBALI KA FIDIYO, KANEKO AJANJE CHIWUSYO ACHI:

Ana chichi chachikwasangalasya ni yindu yayikusatendekwa pakwambula Baibulo jagamba kupikanila?