SEPETEMBA 16-22

MASALIMO 85-87

Nyimbo Na. 41 ni Lipopelo | Maloŵe Gandanda (1 min.)

CHIPANJE CHAKUSIMANIKWA M’MALOŴE GA MLUNGU

Mwenye Daudi akupopela kutyochela pasi pamtima.

1. Lipopelo Likusatukamuchisya Kuŵa Ŵakupilila

(10 min.)

Amŵendeje Yehofa kuti ŵatendekasyeje kuŵa ŵakusangalala (Sal 86:4)

Amŵendeje Yehofa kuti ŵakamuchisyeje kuŵa ŵakulupichika (Sal 86:11, 12; w12 5/15 25 ¶10)

Akulupilileje kuti Yehofa chachijanga mapopelo gawo (Sal 86:6, 7; w23.05 13 ¶17-18)

ALIWUSYE KUTI, ‘Ana pasimene ni yakusawusya ngusapopela kwa Yehofa mwakuwilisyawilisya soni mapopelo gangu gakusaŵa gelewu?’—Sal 86:3.

2. Mfundo Syakamuchisya

(10 min.)

Sal 86:11, NWT.—Ana lipopelo lya Daudi likutusalila yamti uli pakwamba mtima wa mundu? (it-1 1058 ¶5)

Kwanga
Ana ni yindu yapi yapatile pakuŵalanga Baibulo kwa wiki ajino yakusaka kwasalila ŵane?

Kwanga

3. Kuŵalanga Baibulo

(4 min.) Sal 86:1–87:7 (th lijiganyo 12)

KULIPELEKA MU UTUMIKI WA MUMGUNDA

4. Kutanda Kuŵechetana ni Mundu

(3 min.) KULALICHILA MWAUPILE. Amŵende mundujo kuti amjiganyeje Baibulo. (lmd lijiganyo 3 ndime 5)

5. Kutenda Ulendo Wakuwilisya

(4 min.) KULALICHILA MWAUPILE. Amŵende mundu jŵaŵaŵechetene najo paulendo wandanda kuti naga yakomboleka amjiganyeje Baibulo. Munduju jwasalile kuti akudandawula mnope ni yindu yayikutendekwa masiku agano. (lmd lijiganyo 7 ndime 4)

6. Twajiganyeje Ŵandu

(5 min.) lff lijiganyo 15 ndime 5. Akambilane ni jwakulijiganya jwawo yampaka atende kuti chalijiganye Baibulo mu wiki jakuyichisya atamose kuti wawojo kuchiŵa kwangali. (lmd lijiganyo 10 ndime 4)

UMI WETU WACHIKLISTU

Nyimbo Na. 83

7. Mkawujila Munyuma

(5 min.) Ngani jakambilana.

Alolele FIDIYO. Kaneko ŵawusye ŵakupikanila kuti:

Ana ni yindu yapi yampaka yituwujikasye munyuma patuli mu utumiki?

Kwanga
Ligongo chichi ngatukusosekwa kuwujila munyuma?

Kwanga

8. Apitilisye Kutandisya Majiganyo ga Baibulo

(10 min.) Ngani jakambilana.

Mlongo akumlalichila jwamkongwe jwine pamalo gakwelela galimoto.

Liŵasa likulalichila pakamulichisya masengo shelefu pele jwamkongwe jwine jwakwenda chiŵandika ni maloga akulolechesya yayili pa shelefu.

Liŵasa lyalikulalichila ku nyumba ni nyumba likupeleka kwa jwamlume kabuku kakuti “Asangalaleje Mpaka Kalakala”

Ana pamasengo gapajika gatukutenda mwesi awuno, akombwele kutandisya lijiganyo lya Baibulo pakamulichisya masengo kabuku ka Asangalaleje Mpaka Kalakala? Naga yili myoyo, nikuti akusangalala mnope. Yili yangakayikasya kuti ŵandu ŵanesoni yalimbikasisye mnope. Nambope naga nganaŵe kutandisya lijiganyo lya Baibulo, mpaka atande kulikayichila ni kuganisyaga kuti ngakutenda yejinji mu utumiki. Naga mwelemu ni mwayiŵelele ni wawojo, ana mpaka atende wuli?

Alolele FIDIYO JAKUTI ‘Tulosyeje Kuti Tuli Ŵakutumichila ŵa Mlungu . . . Mwakuŵa Ŵakuwusimana Mtima’—Patukulalichila. Kaneko ŵawusye ŵakupikanila kuti:

Ana lilemba lya 2 Akolinto 6:4, 6 mpaka litukamuchisye wuli naga tukusawuwona utumiki wetu kuŵa mpela “lisimbo lyelewu”?

Kwanga
Naga akulingalinga kutandisya lijiganyo lya Baibulo nambo yikulepechekwa, ana akusosekwa kutenda chichi?

Kwanga

Akumbuchileje kuti tukusaŵa ŵakusangalala ngaŵa ligongo lya winji wa majiganyo gatutandisye nambo ligongo lyakumanyilila kuti kulimbichila kwetu pamasengo gakulalichila kukumsangalasya Yehofa. (Luk 10:17-20) Myoyo apitilisye kukamula nawo masengo gakutandisya majiganyo ga Baibulo ni mtima wawo wosope. Amanyilileje kuti ‘masengo gakutenda pakwatumichila Ambuje nganigaŵa gangali mate.’—1Ak 15:58.

9. Lijiganyo lya Baibulo lya Mpingo

(30 min.) cl mtwe 16 ¶18-22, libokosi p. 167