Ŵandu Ŵakusasaka Kumsangalasya Yehofa Akusasagula Yindu Mwalunda

Aŵalanje Genesesi 25:​29-34 kuti alole naga Esawu soni Yakobo ŵasagwile yindu mwalunda.

Aganichisyeje mwakusokoka ngani jaŵalasile. Mpaka aliwusye kuti, Ana yeleyi mkaniyitendekwe patendekwe chichi? (Gen. 25:​20-28) Ana chatendekwe chichi yeleyi yili yitendekwe?—Gen. 27:​1-46.

Awungunyeje mwakwanila ngani josopejo. Ana mundaŵi jelejo mwanache jwamlume jwandanda kupagwa jwakwete upile wapadela soni udindo wamti uli?—Gen. 18:​18, 19; w10 5/1 13.

• Ana mundu kuti aŵe mu msela wakupagwila Mesiya ŵasosekwaga kuti aŵe jwandanda kupagwa? (w17.12 14-15)

Aganichisyeje yindu yalijiganyisye soni ayikamulichisyeje masengo. Ligongo chichi Yakobo jwakuwonaga kutanda kupagwa kuŵa kwakusosekwa mnope kulekangana ni Esawu? (Aheb. 12:​16, 17; w03 10/15 28-29) Ana Yehofa ŵawonaga chamti uli anyamata ŵaŵiliŵa, soni ligongo chichi? (Mala. 1:​2, 3) Ana Esawu akatesile uli kuti asagule yindu mwalunda?

• Aliwusye kuti, ‘Ana mpaka ndosye chamti uli kuyamichila upile wakumtumichila Yehofa pangutenda yindu wiki jilijose, mpela pangulinganya ndandanda jakutendela kulambila kwa peŵasa?’