Ana Ŵawe Chachijimuka?

YAJIKUSASALA BAIBULO

Ŵandu “tachijimuka ku ŵawe.”​—Masengo 24:15, Malangano Gasambano.

ANA YELEYI YIKUTUKWAYA CHAMTULI?

Yikusatutondoya pajasiche jwakunonyelwa jwetu.​—2  Akolinto 1:3, 4.

Yikusatukamuchisya kuti tukajogopaga chiwa.​—Ahebeli 2:15.

Yikusatupa chembecheyo chakuti tuchiwoneganasoni ni ŵakunonyelwa ŵetu.​—Yohane 5:28, 29.

ANA YISYENE TUKULUPILILEJE YAJIKUSASALA BAIBULO?

Elo, pamagongo gatatu aga:

• Mlungu ni juŵapanganyisye umi. Baibulo jikusamkolanga Yehofa Mlungu kuŵa “jwakutandisya umi.” (Masalimo 36:9; Masengo 17:​24, 25) ­Juŵapanganyisye umi wa yindu yosope ali jwakupakombolasoni kuwuchisya umi kwa jwam’we.

• Kalakala Mlungu ŵajimwisye ŵandu ŵawe. Baibulo jikusasala ngani msanu ni sitatu sya ŵandu ŵaŵajimwiche ku ŵawe. Ŵane ŵaliji ŵanache, achakulungwa, achalume soni achakongwe. Ŵane ŵajimusyaga ali awile pachangakaŵa, nambo jumo ŵamjimwisye ali atemi m’malembe kwa masiku mcheche. ​​—⁠Yohane 11:​39-​44.

• Mlungu ali jwakusachilila kwimusyasoni ŵandu. Yehofa akusaŵengana ni chiwa, akusachiwona kuŵa mmagongo. (1 Akolinto 15:26) Jwalakwe “akusachilila” kumgomeka mmagongoju, chachimtyosya mwakwimusya ŵawe. Akusachilila kwajimusya ŵakwakumbuchila, kuti chaŵesoni ni umi pachilambo chapasi.​​—⁠Yobu 14:​14, 15.