Nyimbo 138
Lina Lyawo Lili Yehofa
(Salimo 83:18, NW)
Mlungu jwakuwona—
Mkupanganya jusyene
Mu mbagwilo syosope—
Wawo ni Yehofa.
Ŵatucimbicisye
Kutupa lina lyawo.
Tulalicilejepe,
Kwa ŵandu wosope.
(KOLASI)
Yehofa, Yehofa,
Wawo Mlungu jwetu.
Kwinaniko, pacilambo
Kwangalitu jwine.
Wawo ŵamaciligose,
Ŵandu ayimanye.
Yehofa, Yehofa,
Wawo ali Mlungu jwetu.
Tukupakombola,
Kutenda cilicose.
Tukwete ndamo syawo—
Wawo ni Yehofa.
Ŵatupele lina
Kuŵaga ŵandu ŵawo.
Ŵatupele upile—
Kuŵa Mboni syawo.
(KOLASI)
Yehofa, Yehofa,
Wawo Mlungu jwetu.
Kwinaniko, pacilambo
Kwangalitu jwine.
Wawo ŵamaciligose,
Ŵandu ayimanye.
Yehofa, Yehofa,
Wawo ali Mlungu jwetu.
(Alolesoni 2 Mbiri 6:14; Sal. 72:19; Yes. 42:8.)