LIJIGANYO 4

Kusala Malemba Mwakuŵajilwa

Mateyu 22:41-45

YACITULIJIGANYE: Akosecelesyeje nganisyo sya ŵakupikanila ŵawo mkanaŵalanje lilemba.

Amanyilileje ligongo lyakuŵalanjila lilemba. Mkanaŵalanje lilemba, mpaka aŵecete maloŵe gakwatendekasya ŵakupikanila ŵawo kwalongolela ku songa jakusosekwa jakusaka kugombelecesya m’lilembalyo.

Alimanyilile cenene lilembalyo, mundu jwakuŵeceta palilembalyo, soni mundu jusyesyene juŵalembile buku ja m’Baibulojo.
Ajikolanjeje Baibulo. Pakuŵeceta kwa ŵandu ŵakusakulupilila ya Mlungu ajikolanjeje Baibulo kuti jili Maloŵe ga Mlungu. Yeleyi mpaka yilosye kuti akusaluwona lunda lwa m’Baibulo kuŵa lwakusosekwa mnope.
Ŵatendekasyeje ŵakupikanila kola lung’wanu mkanaŵalanje lilemba. Awusye ciwusyo ca mpaka apate kwanga kwakwe palilembalyo. Asale cakusawusya cine cakwe campaka lilembalyo likamucisye pakumalana naco. Kapenasoni mpaka asale ciwundo cine cakwe campaka ŵandu acipikanicisye cenene paŵalasile ngani ja m’Malemba.

Amanyilileje yindu yele ŵakupikanila ŵawo akumanyilila kala yakwamba nganijo kapena lilembalyo. Mkanaŵalanje lilemba lyakusalimanyilila ŵakupikanila ŵawo, mpaka ŵakamucisye kola lung’wanu, kaneko mpaka alitagulile m’litala lyakuti alipikanicisye cenene.