Yampaka Aŵecete

Pakutandisya Lijiganyo lya Baibulo Lyakuŵeluka Lyandanda mu December

“Tukuŵecetana mwakata ni maŵasa. Acinangolo ŵajinji akusasaka kuti ŵanace ŵawo amnonyeleje Mlungu. Ana akuganisya kuti acinangolo akusosekwa kwajiganya ŵanace ŵawo kuti amnonyeleje Mlungu, kapena kuti ŵanacewo alijiganyeje acimsyene?” Ajembeceye kuti ajanje. Amlosye ngani jajili pa peji jakumalisya ja Nsanja ya Olonda ja December 1, kaneko atagulilane ngani ja ciwusyo candanda, soni aŵalanje atamose lilemba limo pa malemba gali pelepogo. Amgaŵile magasini, soni alinganye yakuwujilako kuti akatagulilane ciwusyo cakuyicisya

Nsanja ya Olonda December 1

“Tukuŵecetana ni ŵandu mwakata pakwamba ya Mlungu. Tukumanyilila kuti jwalijose akwete yakusakulipilila pakwamba ya Mlungu. Ana akuganisya kuti ŵandu akusam’wona Mlungu kuti agambile kuŵa cindu cine cakwe cangawoneka, soni camacili kapena ali mjetu jwakusasamala ya m’weji? [Ajembeceye kuti ajanje.] Lilemba ali lya m’Baibulo likutusalila unasi wakusasaka Mlungu kuti tukole ni jwalakwejo. [Aŵalanje Yakobo 4:8a] Magasini aji jikutusalila yindu yitatu yampaka tutende kuti tum’ŵandicile Mlungu.”

Galamukani! December

“Tukuŵecetana mwakata ni ŵandu pakwamba ya ulwele wawusawisye mnope. Ciwanja ca World Health Organization casasile kuti mundu jumo pa ŵandu mcece cacilwala ulwele wa kulagasika nganisyo, wawuli umo mwa yilwele ya mu ututu. Ana akuganisya kuti yilwele ya mu ututu yikuwanda masiku agano? [Ajembeceye kuti ajanje.] Baibulo jikusatupa cembeceyo cakuti msogolo muno ŵandu ngasalwalagasoni kapena kupikana kupweteka kulikose. [Aŵalanje Ciunukuko 21:3, 4.] Magasini aji jikusala yindu yine yamnono yakusosekwa kuyimanyilila jwalijose pakwamba ya yilwele ya mu ututu.”