Kongolela Katende Ketu ka Undumetume—Kutandisya Lijiganyo lya Baibulo Mwakata ni Kabuku Kakuti Ngani Syambone Kutyocela kwa Mlungu!
Ligongo Cici Kuli Kwakusosekwa: Kuti tupanganye ŵakulijiganya, tukusosekwa kuŵa ŵakwiganya Maloŵe ga Mlungu. (Mat. 28:19, 20) Wosope mpaka tupakombole kwiganya usyesyene mwakamula mtima pakamulicisya masengo yakuwandisya yakulekanganalekangana. Kabuku kakuti Ngani Syambone Kutyocela kwa Mlungu! ŵakapanganyisye kuti tukakamulicisyeje masengo pakwajiganya ŵane usyesyene. Kusala yisyene, kabukuka kali kangasawusya kutandisya lijiganyo lya Baibulo mwakata patusimene kandanda ni msyenenyumba.
Alinje Kutenda Yakuyicisyayi Mwesi Awuno:
Apopele kwa Yehofa kuti ŵape mtima wakusacilila kutendesya lijiganyo. Am’ŵende kuti ŵakamucisye kutandisya lijiganyo lya Baibulo soni kuti akusaka kwiganyaga usyesyene mwakamula mtima.—Afi. 2:13.
Pakulambila kwawo kwa peŵasa kapena palijiganyo lyawo lyapajika, alijiganyeje yampaka aŵecete payice panyumba yayili m’libokosi. Naga akutenda yeleyi mpaka apakombole kuŵeceta mwakwayika pamtima soni kutandisya lijiganyo lya Baibulo mwakata pajinjile mu undumetume.