Kutendesya Lijiganyo Pakamulicisya Masengo Kabuku ka Ngani Syambone

Aŵalanje ciwusyo cepiliwu cakola nambala kuti amkamucisye msyenenyumba kulola songa jekulungwa.

Aŵalanje ndime jakwe.

Aŵalanje malemba gepindimasye kaneko awusyeje yiwusyo mwalunda kuti msyenenyumbajo alole mwagakukamulanila malembago ni ciwusyo cepiliwuco.

Naga pasi pa ciwusyo pana ndime siŵili kapena sitatu, awilisye yakuyisala mu 2 ni 3. Naga pa jw.org/yao pana fidiyo jajikukamulana ni ciwusyo cakutagulilanaco, ajilolele mkati mwa kutagulilanako.

Pakusaka kumanyilila naga msyenenyumbajo apikanisiye songa jekulungwa, amsalileje kuti ajanje ciwusyo cakola nambalaco.