Yobu Ŵajendelecele Kulupicika Atamose Paŵasimanaga ni Yipwetesi

Ayisalayeli paŵaliji ku ukapolo ku Iguputo, papali mundu jwine jwaŵatamaga ku Usi, lina lyakwe Yobu. Atamose kuti Yobu nganaŵa jwa Ciyisalayeli, jwalakwe jwaliji jwakulupicika jwa Yehofa. Jwalakwe ŵakwete liŵasa lyekulungwa, jwaliji jwakusicila mnope soni jwakumanyika mumkuli wosopewo. Yobu jwaliji mkupeleka camuko jwakucimbicika, jwakulamula mwangalola ngope, soni jwakamucisyaga ŵandu ŵakulaga. Yobu jwaliji mundu jwakulupicika.

Yakutenda ya Yobu yalosisye kuti Yehofa jwaliji Mundu jwakusosekwa mnope paumi wakwe

1:8-11, 22; 2:2-5

• Satana ŵakuweni kulupicika kwa Yobu. Jwalakwe nganakayicila ya kupikanila kwa Yobu, nambo ŵakayicile naga Yobu ŵatumicilaga ni cakulinga cambone

• Satana ŵasasile kuti Yobu ŵatumicilaga mwakulupicika ligongo lyakusaka kwanilisya yakusaka yakwe

• Pakusaka kwanga yaŵasalagayo, Yehofa ŵakundile kuti Satana amlinje Yobu. Satana ŵayikasisye yipwetesi pa umi wa Yobu

• Paŵayiweni kuti Yobu jwajendelecele kuŵa jwakulupicika, Satana ŵakayicile naga ŵandu wosope akusatumicila ni cakulinga cambone

• Yobu nganalemwa cilicose soni nganamjimba magambo Mlungu