CIPANJE CAKUTIMANIKWA M’MALOŴE GA MLUNGU | MIYAMBO 1-6
“Mumkulupilileje Yehofa ni Mtima Wenu Wosope”
Yehofa ni jwakuŵajilwa kuti tumkulupilileje mnope. Ngopolelo ja lina lyakwe jikusatukamucisya kuŵa ŵakusimicisya kuti akwete macili gakwanilisya yilanga yakwe yosope. Cindu cakusosekwa mnope campaka citukamucisye kumkulupilila Yehofa cili lipopelo. Miyambo mtwe 3, ukusatusimicisya kuti Yehofa cacitujaliŵa ‘mwakongola matala getu’ naga tukusamkulupilila.
Mundu jwakusaliwona kuŵa jwalunda . . .
akusatenda yisagula mwangajegamila cikamucisyo ca Yehofa
Akusajegamila mnope nganisyo syakwe kapena syakucilambo
Mundu Jwakusamkulupilila Yehofa . . .
akusalingalinga kuŵa paunasi wambone ni jwalakwe mwakulijiganya Baibulo ni kuganicisyaga mwakusokoka yakulijiganyayo soni kupopela kwa jwalakwe
akusasaka kulongoleledwa ni jwalakwe mwa kuwungunya m’Baibulo pakusaka kutenda yisagula yakwe
CANDANDA: Ngusasagula litala lyanguliwona jika kuti lili lyalunda |
CANDANDA: Ngusam’ŵenda Yehofa kuti angamucisye kusagula cenene kupitila mwipopelo soni lijiganyo lyapajika |
CAŴILI: Kaneko ngusam’ŵenda Yehofa kuti ajaliŵe yisagwileyo |
CAŴILI: Kaneko ngusasagula yakutenda m’litala lyakamulana ni yiwundo ya m’Baibulo |