Akusyeje Ndamo Syambone sya Mlungu—Kulinandiya

LIGONGO LYAKWE KULI KWAKUSOSEKWA:

• Kulinandiya kukusakamucisya kuŵa paunasi wakulimba ni Yehofa.—Sal. 138:6

• Kulinandiya kukusakamucisya kuŵa paunasi wambone ni ŵane.—Afi. 2:3, 4

• Kupoka kukusajonanga.—Miy. 16:18; Ezek. 28:17

MWAMPAKA TUTENDELE:

• Tuŵendeje camuko soni tucikamulicisyeje masengo.—Sal. 141:5; Miy. 19:20

• Tuŵeje ŵakoseka kwatumicila ŵane.—Mat. 20:25-27

• Tukakunda kuti kola lunda kapena maukumu kututendekasye kupoka.—Alo. 12:3

ALOLELE FIDIYO JAKUTI AŴAMBALEJE YINDU YAMPAKA YATENDEKASYE KUŴA ŴANGAKULUPICIKA—KUPOKA, KANEKO AJANJE YIWUSYO YAKUYICISYAYI:

• Ana yatukusatenda pakupocela camuko yikusalosya camtuli nganisyo syetu?

• Ana lipopelo mpaka litukamucisye camtuli kusya kulinandiya?

• Ana ni matala gane gapi gampaka tulosye kulinandiya?