Ŵachinyamatamwe—Ana Yehofa Ali Mjenu Jwapamtima?

Ana akusasaka kuti mjawo akoleje ndamo syamtuli? Mwine mpaka asache kuti aŵe jwakulupichika, jwachanasa, soni jwakoloŵa magasa. Nambotu Yehofa akwete ndamo syosopesi. (Eks. 34:6; Mase. 14:17) Pamkupopela jwalakwe akusampikanila. Akusaŵa jwakoseka kumkamuchisya pamkusosechela chikamuchisyo. (Sal. 18:19, 35) Yehofa akusamkululuchila pamlemwisye. (1 Yoh. 1:9) Yehofa mpaka aŵe mjenu jwambone mnope.

Ana mpaka mtende wuli kuti Yehofa aŵe mjenu? Mkusosekwa kuŵalanga Baibulo kuti mlijiganye ya Yehofa. Mkusosekwasoni kumdalilaga. (Sal. 62:8; 142:2) Yindu yakusayiwona Yehofa kuŵa yakusosekwa, myiwonejesoni kuti yili yakusosekwa. Yindu yakwe mpela Mwanagwe, Uchimwene wakwe, soni yaŵasasile kuti chachitutendela kusogolo. Mwasalileje ŵane yakwamba jwalakwe. (Det. 32:3) Naga mkutenda yindu yakuŵa paunasi ni Yehofa, jwalakwe chachiŵa mjenu mpaka kalakala.—Sal. 73:25, 26, 28.

ALOLELE FIDIYO JAKUTI, ŴACHINYAMATAMWE “MLINJE NI TIMLOLE KUTI MLUNGU ALI JWAMBONE”, KANEKO AJANJE YIWUSYO YAKUYICHISYAYI:

• 

  Ana mpaka mkosechele wuli kuti mlipeleche soni kubatisidwa?

• 

  Ana ŵane mumpingo mpaka amkamuchisye wuli kuti mumtumichileje Yehofa?

• 

  Ana kutenda utumiki mpaka kumkamuchisye chamtuli kulimbisya unasi wenu ni Yehofa?

• 

  Ana ni ma utumiki gapi gagapali gampaka mtende?

• Ana yindu yapi yayikusiyimtendekasya kumnonyela Yehofa?