Yehofa Akusatujamuka Ligongo Lyakuti Akusatunonyela

Tukusapochela chamuko pakusaka kutujiganya. Ndaŵi sine mpaka atusalile kuti tulinganye yindu yatwalemwisye, pele ndaŵi sine mpaka atujamuche. Yehofa akusatujamuka ni chakulinga chakuti tumtumichileje mu litala lyakuŵajilwa. (Alo. 12:1; Aheb. 12:10, 11) Ndaŵi sine chamuko mpaka chiŵe chakupweteka nambope yakuyichisya yakwe yikusaŵa yambone mnope. (Mis. 10:7) Ana ŵandu ŵakusapeleka chamuko soni ŵapochele chamukocho akusosekwa kukumbuchilaga chichi?

Ŵakupeleka chamuko. Achakulungwa wa mumpingo, achinangolo soni ŵandu ŵane akusalingalinga kupeleka chamuko mwachinonyelo soni mwachanasa mpela mwakusatendela Yehofa. (Yel. 46:28) Atamose patukupeleka chamuko chamachili mnope, tukusosekwa kulolechesya kuti chamukocho tukuchipeleka mwachinonyelo.—Tit. 1:13.

Ŵakupochela chamuko. Chinga tupochele chamukocho m’litala lyamtuli, tukusosekwa kuchikamulichisya masengo ndaŵi jijojo. (Mis. 3:11, 12) Pakuŵa tuli ŵandu ŵangali umlama tukusasosekwa kupochela chamuko champaka chiyiche mmatala gejinji. Ndaŵi sine mpaka tupochele chamuko patukuŵalanga Baibulo kapena patuli ku misongano ja mpingo. Sonitu ndaŵi sine mpaka tupochele chamuko kutyochela ku komiti jakwelusya. Naga tukamulichisya masengo chamuko chatupochele yichitukamuchisya kuti tuŵeje ŵakusangalala.—Mis. 10:17.

ALOLELE FIDIYO JAKUTI, “AMBUJE [YEHOFA] AKUSAMJAMUKA JWALIJOSE JWAKUSAMNONYELA, KANEKO AJANJE YIWUSYO AYI:

• 

  Ana M’bale Canon pandanda jwaliji mundu jwamtuli? Ana umi wakwe wachenjile chamtuli?

• 

  Ana jwalakwe jwapochele chamuko chamtuli kutyochela kwa Yehofa?

• 

  Ana yaŵasimene nayo m’baleju yikutujiganya chichi?