Tuŵeje Ŵakoseka Patuli Kumbesi kwa ‘M’masiku Gambesi’ Gasyesyene

Pakuŵa tukutama “m’masiku gambesi” tukusosekwa kwembecheya kuti yindu pachilambopa chiyipitilisyepe kusakala. (2 Tim. 3:1; yakamuchisya pakulijiganya kutyochela pa Mat. 24:8 nwtsty) Pajitendekwe ngosi jachilengedwe ŵandu ŵa Yehofa akusapochela malangiso gambone gampaka gakulupusye umi wawo. Kuti tukulupuche pajitendekwe ngosi yikudalila yindu yatukutenda apano chinga mwausimu kapena mwakuchilu.—Luk. 16:10.

• Alimbisye unasi wawo ni Yehofa: Akole ndandanda jambone. Alinjeje kukamulichisya masengo matala gakulekanganalekangana gakulalichilila. Akadandawulaga mnope naga ali kumalo kwakuti kwangali abale ni alongo. (Yes. 30:15) Amanyilileje kuti Yehofa soni Yesu akusaŵa ali ni wawojo.—od 176 ¶15-17

• Asunjeje yindu yakusosechela: Kupwatika pa yindu yatwasunjile mu chikwama chetu chakutukamuchisya pa ngosi, liŵasa lililyose lisunjeje yakulya yakwanila, mesi soni mtela. Mpaka tusosekwesoni kukambilana ya malo gampaka tutilile pajitendekwe ngosi.—Mis. 22:3; g17.5 4, 6

ALOLELE FIDIYO JAKUTI, ANA MPAKA TUKOSECHELE CHAMTULI NGOSI SYACHILENGEDWE? KANEKO AJANJE YIWUSYO AYI:

• 

  Ana kuŵa paunasi ni Yehofa mpaka kutukamuchisye chamtuli pajitendekwe ngosi?

• 

  Ligongo chichi tukusosekwa:

  • kuŵechetana ni achakulungwa wa mumpingo pajitendekwe ngosi?

  • kusunga yindu yakutukamuchisya?

  • kukambilana mitundu jangosi syachilengedwe syampaka sitendekwe soni yampaka tutende?

• 

  Ana ni matala gatatu gapi gampaka twakamuchisye ŵandu ŵasimene ni ngosi ja chilengedwe?

ALIWUSYE KUTI, ‘Pangani jakukosechela, ana nalijiganyisye chichi kutyochela ku mlili wa COVID-19?’