KULIPELELA MU UTUMIKI WA MUMGUNDA | ASANGALALEJE MU UTUMIKI
Akamulichisyeje Masengo Yindu Yakuwungunyila
Yehofa atupele yindu yayikusatukamuchisya kuti tujiganyeje chenene. Yindu yakwe yili mafidiyo, tumapepala, magasini, tumabuku, mabuku soni chindu chine chakusosekwa mnope chili Baibulo. (2 Tim. 3:16) Jwalakwe atupelesoni yindu yayikusatukamuchisya pakuwungunya ngani kuti tugapikanichisyeje chenene Malemba. Yindu yeleyi yili Layibulale ja Watchtower, JW Library® app, LAYIBULALE JA PA INTANENT™ ja Watchtower soni Kabuku Kakuwungunyila Ngani ka Mboni sya Yehofa.
Chachiŵa ŵakusangalala mnope naga akukamulichisya masengo yindu yeleyi kuti awupikanichisyeje usyesyene. Ŵakamuchisyejesoni ŵandu ŵakusiŵajiganya Baibulo kuti akamulichisyeje masengo yindu yeleyi. Jemanjajisoni chachiŵa ŵakusangalala pakupata kwanga kwa yiwusyo yawo.
ALOLELE FIDIYO JAKUTI TUSANGALALEJE NI MASENGO GAKWAJIGANYA ŴANDU BAIBULO—TUKAMULICHISYEJE MASENGO CHIKAMUCHISYO CHATUPELE YEHOFA—YINDU YAKUTUKAMUCHISYA PAKUWUNGUNYA, KANEKO AJANJE YIWUSYO AYI:
Ana Jedi jwasasile yamtuli pakwamba ya yakupanganyikwa?
Ana Nita jwapatile kwapi kwanga kwa ngani jaŵajitandisye Jedi?
Tukusaŵa ŵakusangalala naga tukwasalila ŵandu mfundo sya m’Baibulo syatupatile
Ana Nita jwatesile yamtuli kuti akombole kumkamuchisya Jedi?
Ana kukamulichisya masengo yindu yakuwungunyila kwamkamuchisye chamtuli Nita?