Twakamuchisyeje Ŵakulijiganya Baibulo Kuti Akatendaga Ndamo Syakusakala

Ŵandu ŵakwete ndamo syambone ni ŵampaka aŵe paunasi wakulimba ni Yehofa. (1Pe 1:14-16) Jwakulijiganya Baibulo palesile ndamo syakusakala yichimkamuchisya kuti akajonangaga mbiya, akole liŵasa lyambone soni chilu chambone.

Amsalileje malamusi ga Yehofa gakwayana ni ndamo syambone, ligongo lyakwe Yehofa ŵatupele malamusigo soni kusosekwa kwa kugakuya. Amkamuchisyeje jwakusamjiganya kuchenga kaganisye kakwe. Yeleyi yichimkamuchisya kuti atendeje yakusasaka Yehofa. (Aef 4:22-24) Amsimichisyeje kuti ni chikamuchisyo cha Yehofa mpaka akombole kuleka ndamo syakusakala. (Afi 4:13) Amjiganyeje kuti pasimene ni yindu yampaka yimtendekasye kulemwa apopeleje kwa Yehofa kutyochela pasi pa mtima. Amkamuchisye kumanyilila yindu yampaka yimtendekasye kulemwa soni yampaka atende kuti ayiŵambaleje. Amlimbikasyeje kuti atendeje yindu yambone. Chachiŵa ŵakusangalala mnope pakuyiwona kuti Yehofa akumkamuchisya jwakusamjiganya Baibulo kuchenga ndamo syakwe.

ALOLELE FIDIYO JAKUTI TWAKAMUCHISYEJE ŴAKULIJIGANYA BAIBULO KUTI AKATENDAGA NDAMO SYAKUSAKALA, KANEKO AJANJE YIWUSYO AYI:

• 

  Ana achakulungwa ŵa mumpingo soni Nita, ŵalosisye uli kuti ŵakwete chikulupi chakuti Jedi mpaka achenje?

• 

  Ana Nita ŵapitilisye kumkamuchisya chamtuli Jedi?

• 

  Ana Jedi jwatesile yamtuli kuti Yehofa amkamuchisye?