Yampaka Atende Naga Kwakusatama Kutendekwe Yachiwawa

Mbesi ja chilambochi pajikuŵandichila mnope tujembecheyeje kuti yachiwawa, uchigaŵenga soni ngondo chiyitupileje. (Chiw 6:4) Ana mpaka tukosechele chamtuli yakusawusya yachitusimane nayo kusogolo?

• Alimbisyeje chikulupi chawo: Aganichisyeje mfundo soni ngani sya m’Baibulo syampaka syakamuchisye kuti amkulupilileje mnope Yehofa ni gulu jakwe soni syampaka syakamuchisye kuti akajinjililaga yindu yayikutendekwayo. (Mis. 12:5; jr-CN 124-126 ¶23-24) Nambosoni ajino jili ndaŵi jambone jakuti alimbisyeje unasi wawo ni Aklistu achimjawo.—1Pe 4:7, 8

• Akoleje yindu yakusosechela: Atende yakuti apate malo gachachijuŵa yindu payisawisye soni asunjeje yindu yakusosechela. Naga chachisosekwa kutila alole yachachitenda kuti chakombole kutila. Alolesoni yaŵaŵisile m’chikwama chawo chapangosi. Mpaka yiŵe chenene kuŵikamo mbiya soni yindu yine yakulichenjela mpela magulofesi soni masiki. Amanyilile yachachitenda kuti chaŵechetaneje ni achakulungwa ŵa mumpingo.—Yes 32:2; g17.5 3-7

Payikutendekwa yachiwawa akaleka kutenda yindu yausimu. (Afi 1:10) Aŵambaleje kwendajenda naga pangali chindu chakusosekwa mnope chakusaka. (Mat 10:16) Agaŵaneje ni ŵane yakulya soni yindu yine yakusosechela.—Alo 12:13.

ALOLELE FIDIYO JAKUTI ANA MPAKA TUKOSECHELE CHAMTULI NGOSI? KANEKO AKAMBILANE YIWUSYO AYI:

• Ana Yehofa mpaka atukamuchisye chamtuli pandaŵi ja ngosi?

• Ana mpaka tukosechele chamtuli ngosi?

• Ana mpaka twakamuchisye chamtuli ŵasimene ni ngosi?