Ana Mpaka Akamulichisye Masengo Chamtuli Yisyasyo ya Kalalichile?

Abale ni alongo akusakosechela mnope yisyasyo ya kalalichile mwamti ŵajinji ayiweni kuti yikusiyakamuchisya pakulalichila mudela jawo. Nambope yindu pachilambopa yikusalekangana. Myoyo ŵakulalichila akwete ufulu wakamulichisya masengo ngani jilijose pali mu utumiki jakujiwona kuti mpaka jakamuchisye ŵandu ŵa mudela jawo. Nambo ŵakulalichila akusosekwa kukuya yiliyose yatukusasalilidwa pandaŵi jatukukamula masengo gakulalichila mwapajika. Chakulinga chetu chili kutenda yaŵatulamwile Yesu kuti tulalichileje ngani syambone syakwamba Uchimwene wa Mlungu.—Mat 24:14.

Pakutenda mbali sya ŵakulijiganya, ŵakulalichila akusosekwa akamulichisyeje masengo yisyasyo ya kalalichile yayikusaŵa mu Pologalamu ja Utumiki ni Umi Wetu Wachiklistu. Nambope naga pana magongo gakupikanika chenene mpaka achenje chiwusyo cha paulendo wandanda, lilemba, chiwusyo cha paulendo wakuyichisya kapena litala lya kalalichile mwakamulana ni mwayiŵelele yindu mudela jawo. Yeleyi yikuchenga yatwasasile mu kabuku ka utumiki ka Juni 2020 pa peji 8.