Mpaka Apate Lunda Lwakamuchisya pa JW.ORG

Maloŵe ga Mlungu gakusatukamuchisya kulimbana ni yakusawusya yatukusasimana nayo masiku gambesi gano. (2Ti 3: 1, 16, 17) Nambope ndaŵi sine patusimene ni yakusawusya mpaka tusosekwe chikamuchisyo kuti tupate mfundo sya m’Baibulo syampaka situkamuchisye. Mwachisyasyo, komboleka kuti wawojo ali nangolo soni akusaka kumanyilila yampaka yakamuchisye pakulela ŵanache. Komboleka kuti wawojo ali jwachinyamata soni akusaka kumanyilila yampaka atende kuti alimbisye chikulupi chawo. Kombolekasoni kuti ŵamkwawo ŵajasiche soni akusaka yindu yampaka yakamuchisye ligongo lya chanasa chakwete. Mpaka apate mfundo sya m’Baibulo syakwakamuchisya pa mbali syelesi soni ngani sine pa jw.org.—Mis 2:3-6.

Pagambile kuwugula jw.org, atowanye palembile kuti YAJIKUSAJIGANYA BAIBULO. (Alole chiwulili 1.) Kaneko asagule mtwe wakusaka. Kapena atowanye palembile kuti LAIBULALE kaneko atowanye palembile kuti MITWE JA NGANI ni kusagula ngani jakusaka. (Alole chiwulili 2.) Nganisi mpaka asipatesoni pa JW Library^®.a Yili yakomboleka kulola ngani syasikusimanikwa pa mbali syelesi. Litala line mpaka agambe kwawula pa libokosi lya kuwungunyila pa Jw.org ni kulemba mtwe wakusaka.

Alembe mitwe jakuyichisyaji mu libokosi lya kuwungunyila ni kusagula ngani syakusaka kuti asiŵalanje.

• Kulela ŵanache

• Ŵachinyamata akulagasika nganisyo

• Chiwa cha ŵamkwangu