Maloŵe gamwiŵanda

a Mabuku ga Ngani Syambone soni mabuku gane ga m’Baibulo gakusalosya kuti Yesu ali ajimwiche ku chiwa jwawonechele kwa ŵakulijiganya ŵakwe mundaŵi syakulekanganalekangana. Jwawonechele kwa Maliya jwa ku Magadala (Yoh. 20:​11-18); kwa achakongwe ŵane (Mat. 28:​8-10; Luk. 24:​8-11); kwa ŵakulijiganya ŵakwe ŵaŵili (Luk. 24:​13-15); kwa Petulo (Luk. 24:34); kwa ŵandumetume pali pangali Tomasi (Yoh. 20:​19-24); kwa ŵandumetume, Tomasi ali apali (Yoh. 20:26); kwa ŵakulijiganya ŵakwe 7 (Yoh. 21:​1, 2); kwa ŵakulijiganya ŵakwe ŵakupunda 500 (Mat. 28:16; 1 Akoli. 15:6); kwa Yakobo juŵaliji m’balegwe (1 Akoli. 15:7); kwa ŵandumetume ŵakwe wosope (Mase. 1:4); soni jwawonechele kwa ŵandumetume chiŵandika ku Betaniya. (Luk. 24:​50-52) Nambosoni komboleka kuti Yesu jwawonechele maulendo gane gejinji kwa ŵakulijiganya ŵakwe, nambo Baibulo jangasalaga yeleyo.—Yoh. 21:25.