Baibulo jikusasala kuti masiku ga umi wa ŵanduwe gali “gapanandi nambosoni ga yisawusyo” yejinji. (Yobu 14:1) Nambo ana Mlungu akusasakaga kuti ŵanduwe tutameje ni umi wamti myiyi? Naga nganiyiŵa myoyo, ana akusasakaga kuti tutameje ni umi wamtuli? Soni ana yakusasakayi yichikwanilichikwa? Kwende tukambilane yajikusati Baibulo pakwanga yiwusyoyi.

1. Ana Yehofa akusasaka kuti umi wetu uŵeje wamtuli?

Yehofa akusasaka kuti tusangalaleje ni umi. Jwalakwe paŵapanganyisye achinangolo ŵetu ŵandanda ŵali Adamu ni Hawa, ŵaŵisile mu mgunda wakusalala wa Edeni. Kaneko Mlungu, “Ŵapele upile ŵanduwo pakwasalila kuti, ‘Mŵelekane, mtupe, mgumbale mchilambo chapasi, mchilamulile.’” (Genesesi 1:28) Yehofa jwasakaga kuti jemanjaji akole ŵanache, achitendekasye chilambochi kuŵa paladaiso soni kuti ayisamalileje yinyama? Chakulinga chakwe chaliji chakuti ŵandu wosope aŵe ŵamlama soni kuti atameje ni umi mpaka kalakala.

Atamose kuti yindu nganiyitendekwa mpela muŵasachilaga Mlungujo,a nambope chakulinga chakwe nganichichenga. (Yesaya 46:10, 11) Jwalakwe akusasaka kuti ŵandu ŵakusampikanila, chasangalale ni umi wamlama mpaka kalakala.—Aŵalanje Chiwunukuko 21:3, 4.

2. Ana mpaka tutende yamtuli kuti tusangalaleje ni umi apano?

Yehofa ŵatupanganyisye mulitala lyakuti tukomboleje “kugapikana maloŵe ga Mlungu ni kugakamulichisya masengo.” Chakulinga chakwe chili chakuti tummanyilile soni kumtumichila jwalakwejo. (Aŵalanje Luka 11:28.) Mlungu akusasaka kuti tuŵeje paunasi ni, ‘tutendeje yindu yosope yakutulamula, tumnonyeleje’ soni tumtumichileje jwalakwe “ni mtima wetu wosope.” (Detulonomo 10:12; Salimo 25:14) Patukutenda yeleyi mpaka tuŵe ŵakusangalala yisyesyene atamose kuti tukusimana ni yipwetesi. Konjechesya pelepa, kumtumichila Yehofa kukusatukamuchisyasoni kumanyilila kuti umi wetu wana chakulinga.

3. Yehofa akusasaka kuti ŵanduwe tuŵeje ŵakusangalala

Alolele FIDIYO, kaneko akambilane chiwusyo achi.

FIDIYO: Ligongo Chichi Mlungu Ŵapanganyisye Chilambo Chapasi?—Kambali ka Fidiyo (1:41)

• Ana ligongo chichi Mlungu ŵapanganyisye chilambo chapasi?

Aŵalanje Jwakulalichila 3:11, NWT kaneko akambilane chiwusyo achi:

• Ana lilembali likwajiganya chichi pakwamba ya chakulinga cha Mlungu kwa ŵanduwe?

4. Chakulinga cha Yehofa nganichichenga

Aŵalanje Salimo 37:11, 29 soni Yesaya 55:11, kaneko akambilane chiwusyo achi.

• Ana tukumanyilila chamtuli kuti chakulinga cha Yehofa kwa ŵanduwe nganichichenga?

5. Kumtumichila Yehofa kukusatukamuchisya kuŵa ŵakusangalala yisyesyene

FIDIYO: Namanyilile Chakulinga cha Umi (5:03)

• Ana kumanyilila chakulinga cha umi kumkamuchisye chamtuli Terumi?

Aŵalanje Jwakulalichila 12:13, kaneko akambilane chiwusyo achi:

• Ana mpaka tulosye chamtuli kuti tukumyamichila Yehofa ligongo lya yindu yejinji yatutendele?

YALIJIGANYISYE

Yehofa akusasaka kuti tusangalaleje ni umi wamlama pachilambopa mpaka kalakala. Patukumtumichila Yehofa ni mtima wetu wosope, tukusamanyilila chakulinga chisyesyene cha umi.

Yiwusyo Yakuwilisya

• Ana pandanda chakulinga cha Yehofa kwa Adamu ni Hawa chaliji chamtuli?

• Ana tukumanyilila chamtuli kuti chakulinga cha Mlungu kwa ŵandu nganichichenga?

• Ana mpaka atende yamtuli kuti akole chakulinga chisyesyene paumi?

YAKULINGA YINESONI

Alole maumboni gakulosya kuti mgunda wa Edeni wapali.

“Ana Ngani ja Mgunda Wa Edeni Jili Jisyesyene Kapena Jili Adisi?” (Sanja ja Mlonda, Januwale 1, 2011)

Alijiganye ligongo lyakwe tukusosekwa kuŵa ŵakusimichisya kuti chilambochi chichiŵapo mpaka kalakala.

“Ana Chilambochi Chichijonanjidwa?” (Ngani ja pa intaneti)

Awungunye yajikusasala Baibulo pa yampaka atende kuti amanyilile chakulinga cha umi.

“Ana Chakulinga cha Umi Chili Chichi?” (Ngani ja pa intaneti)

Jwamlume jwine jwaganisyaga kuti akwete chilichose paumi wakwe, nambo alole chindu chaŵasoŵaga.

Apano Ngwete Chakulinga pa Umi Wangu (3:55)

2. Ana Yesu chachilamulilaga yalumo ni ŵani?

Yesu ngasalamulila jika. Ŵandu ŵa “ngosyo syosope, chiŵecheto chilichose, ni mtundu uliwose. . .tachilamulila pachilambo chapasi.” (Chiwunukuko 5:9, 10) Nambo ana ni ŵandu ŵalingwa ŵachalilamulilaga yalumo ni Yesu? Kutyochela pandaŵi jiŵayiche Yesu pachilambo chapasi, ŵandu ŵajinji aŵele ŵakumkuya ŵakwe. Mwa ŵeleŵa, ŵandupe 144,000 ni ŵakwawula kwinani kukulamulila ni Yesu. (Aŵalanje Chiwunukuko 14:1-4.) Ŵandu ŵane wosope chachiŵa pachilambo chapasi ni kulamulidwaga ni Uchimwenewu.—Salimo 37:29.

Uchimwene wa Mlungu ukulamulila. Mwamti pachangakaŵapa, Uchimwenewu chiwuchenje yindu mnope pachilambopa. Kwende tukambilane yindu yambone yatukwembecheya kutyochela ku Uchimwenewu.

1. Ana Uchimwene wa Mlungu uchiyikasya mwamtuli mtendele soni chilungamo pachilambopa?

Pangondo ja Alimagedo, Yesu jwali Mwenye jwa mu Uchimwene wa Mlungu chachijonanga ŵandu ŵakusakala soni maboma ga ŵandu. (Chiwunukuko 16:14, 16) Pandaŵijo maloŵe ga m’Baibulo gakuti, “Mwangakaŵilisya ŵangalumbana ngasawoneka pa chilambo,” gachikwanilichikwa. (Salimo 37:10) Kupitila mu Uchimwenewu, Yesu chachilolechesya kuti mtendele soni chilungamo yikutendekwa pachilambopa.—Aŵalanje Yesaya 11:4.

2. Ana umi uchiŵa wamtuli Uchimwenewu pawuchilamulilaga pachilambopa?

Mu Uchimwene wa Mlungu, “ŵandu ŵambone tachipochela chilambo, ni tachitama mwelemo kwa yaka yosope.” (Salimo 37:29) Kusala yisyene yichiŵa yakusangalasya kutama m’chilambo cha ŵandu ŵambone, ŵakumnonyela Yehofa soni ŵakunonyelana. Pangali jutachilwala soni tuchitamaga ni umi mpaka kalakala.

3. Ana Uchimwene wa Mlungu uchitenda yamtuli ŵakusakala pachachajonanga?

Ŵandu ŵakusakala pachachajonanga, Yesu jwali Mwenye chachilamulila kwa yaka 1,000. Pandaŵijo, Yesu ni ŵa 144,000 ŵachachilamulilaga yimpepe ni jwalakwe, chachikamula masengo gakwakamuchisya ŵandu kuti aŵe ŵamlama. Pambesi pa yaka 1000, chilambochi chichiŵa paladaiso. Konjechesya pelepa chilambochi chichigumbala ni ŵandu ŵakusangalala. Yeleyi yichikomboleka ligongo lyakuti ŵandu tachipikanilaga malamusi ga Yehofa. Kaneko Yesu tachipeleka Uchimwenewu kwa Yehofa. Kupundana ni kala kose, lina lya Yehofa “lichichimbichikwa.” (Mateyu 6:9, 10) Yeleyi yichilosya kuti Yehofa ali Jwakulamulila jwambone soni akusiŵaganichisya ŵandu ŵakwe. Kaneko Yehofa chachimjonanga Satana, yiŵanda soni wosope ŵachachijimuchila ulamusi Wakwe. (Chiwunukuko 20:7-10) Uchimwene wa Mlunguwu uchakamuchisya ŵandu kuŵa ni umi wamlama mpaka kalakala.

KULIJIGANYA YEJINJI

4. Uchimwene wa Mlungu uchimasya maboma ga ŵandu

Baibulo jikusati, ‘Ŵandu akwalamulila achimjawo mwa ngalwe.’ (Jwakulalichila 8:9) Myoyo Yehofa chachikamulichisya masengo Uchimwene wakwe pakumasya ungali chilungamo welewu.

Aŵalanje Daniele 2:44 soni 2 Atesalonika 1:6-8, kaneko akambilane yiwusyo ayi:

• Ana Yehofa soni Mwanache jwakwe jwali Yesu, chachitenda yamtuli ku maboma ga ŵandu soni ŵali kumbali ja mabomaga?

• Ana yalijiganyisye yakwamba Yehofa soni Yesu, yikwasimichisya chamtuli kuti yachachitendayi yichiŵa yambone soni yachilungamo?

5. Yesu ali mwenye jwambone mnope

Yesu jwali Mwenye jwa Uchimwene wa Mlungu, chachakamuchisya ŵandu pachilambopa mmatala gejinji. Alolele FIDIYO kuti amanyilile yatesile Yesu pakulosya kuti ali jwakusachilila kwakamuchisya ŵandu soni kuti Mlungu ampele machili gakwakamuchisya ŵandu.

FIDIYO: Yesu Jwalosisye Yawuchikwanilisya Uchimwene wa Mlungu (1:13)

Yindu yaŵatesile Yesu ali pachilambo chapasi yikusalosya yawuchitenda Uchimwene wa Mlungu. Payindu yakuyichisyayi, ana ni yindu yambone yapi yakwembecheya kuyiwona? Aŵalanje malembago kuti amanyilile yejinji payindu yatukwembecheyayi.

6. Uchimwene wa Mlungu uchitukamuchisya mnope kusogolo

FIDIYO: Mwawuchiŵela Umi Kusogoloku (4:38)

Aŵalanje Salimo 145:16, kaneko akambilane chiwusyo achi:

• Ana akupikana uli mumtima kumanyilila kuti Yehofa ‘chachichipa chachijumi chilichose chachikusaka,’?

YALIJIGANYISYE

Uchimwene wa Mlungu uchikwanilisya chakulinga chakwe. Uchimwenewu, uchichenga chilambochi kuŵa paladaiso. Mwamti chilambochi chichigumbala ni ŵandu ŵambone ŵele chachimtumichilaga Yehofa mpaka kalakala.

Yiwusyo Yakuwilisya

• Ana Uchimwene wa Mlungu uchiswejesya mwamtuli lina lya Yehofa?

• Ligongo chichi tukusosekwa kulupilila kuti Uchimwene wa Mlungu uchitenda yajikusasala Baibulo?

• Ana ni yindu yapi yawuchitenda Uchimwene wa Mlungu yakusachilila kuyiwona?

YAKULINGA YINESONI

Amanyilile ngopolelo ja Alimagedo.

“Ana Ngondo ja Alimagedo ni Chichi?” (Ngani ja pa intaneti)

Aŵalanje kuti amanyilile yayichitendekwa mu ulamusi wa Yesu soni pambesi pa yaka 1,000 ya ulamusi wakwe.

“Ana Yakusawusya Yekulungwa Yili Chichi?” (Ngani ja pa intaneti)

Alole yampaka maŵasa gakambilane pakwamba yindu yambone yatukwembecheya mu Uchimwene wa Mlungu.

Aliŵanicisye Ali M’paladaiso (1:50)

Mu ngani jakuti “Nakwete Yiwusyo Yejinji Yayalagasyaga,” alijiganye yaŵatesile mundu jwakwimuchila boma kuti apate yaŵayisakaga.

“Baibulo Jikusachenga Umi wa Ŵandu” (Sanja ja Mlonda, Januwale 1, 2012)