Dini Syaunami Sikusajiganya Yaunami Yakwamba Mlungu

Naga Mlungu ali jwachinonyelo nambi ligongo chichi dini syejinji sikusatenda yindu yakusakala mu lina lya Mlungu? Yeleyi yikulosya kuti dinisi sili syaunami. Ana dinisi sikusajiganya yaunami yamtuli yakwamba Mlungu? Ana Mlungu yikusamkwaya chamtuli yeleyi? Ana jwalakwe chachitenda chichi ligongo lya yeleyi?

1. Ana dini syaunami sikusajiganya mwamtuli yaunami yakwamba Mlungu?

Dini syaunami silesile kwiganya “yakuwona yisyesyene ya Mlungu m’malo mwakwe ni kukuyaga yaunami.” (Aloma 1:25) Mwachisyasyo, dini syaunami ngasikusajiganya ya lina lya Mlungu. Nambope Baibulo jikusatulimbikasya kukamulichisya masengo lina lya Mlungu. (Aloma 10:13, 14) Pajitendekwe ngosi, achakulungwakulungwa ŵa dini akusaŵecheta kuti Mlungu ni jwatendekasisye. Nambotu yeleyi yili yaunami. Mlungu jwangatendekasya yindu yakusakala. (Aŵalanje Yakobo 1:13.) Yakusajiganyayi yitendekasisye ŵandu kuti akamnonyelaga Mlungu.

2. Ana dini syaunami sikusatenda yindu yamtuli yakutindana ni Mlungu?

Yehofa akusatenda yindu mwachinonyelo, nambo achakulungwakulungwa ŵa dini syaunami ŵangatenda yeleyi. Baibulo jikusaŵecheta kuti ulemwa wa dini syaunami “uyiche mpaka kwinani.” (Chiwunukuko 18:5) Kwa yaka yejinji, dini syaunami siŵele mkwinjilila ya ndale, ngondo soni kutendekasya kuti ŵandu ŵajinji awulajidwe. Achakulungwakulungwa ŵa dini akusiŵakanganichisya ŵandu ŵawo kuti ŵapeje mbiya pakusaka kusichila. Yindu yakusatendayi yikusalosya kuti ngakummanyilila Mlungu soni ngakusosekwa kuŵecheta ya Mlungujo.—Aŵalanje 1 Yohane 4:8.

3. Ana Mlungu akusapikana uli mumtima ni yasikusatendaga dini syaunami?

Naga wawojo ngakusangalalaga ni yasikusatenda dini syaunami, nambi kuliwuli Yehofa? Jwalakwe akusiŵanonyela ŵandu, nambo akusaŵengana ni yakusatenda achakulungwakulungwa ŵa dini syaunami kwa ŵandu ŵawo. Mlungu ŵasasile kuti dini syaunami chachisijonanga mwamti ‘ngasisiwonekasoni.’ (Chiwunukuko 18:21) Mlungu asigele panandi konanga dini syosope syaunami.—Chiwunukuko 18:8.

KULIJIGANYA YEJINJI

4. Mlungu jwangajitichisya dini syosope

Ŵandu ŵajinji akusakulupilila kuti dini sili mpela matala gakulekanganalekangana gakwalongolela kwa Mlungu. Ana yeleyi yili yisyene? Aŵalanje Mateyu 7:13, 14, kaneko akambilane chiwusyo achi:

• Ana Baibulo jikusasala yamtuli pakwamba ya litala lya ku umi wangamala?

Alolele FIDIYO, kaneko akambilane chiwusyo achi.

FIDIYO: Ana Mlungu Akusajitichisya Kulambila Kulikose?—Kambali ka Fidiyo (3:22)

• Ana Baibulo jikusasala kuti Mlungu akusasangalala ni dini syosope?

5. Dini syaunami syangatenda yindu mwachinonyelo

Dini syaunami syangamsangalasya Mlungu m’matala gejinji. Litala limo lili kujigala nawo mbali pa ngondo. Kwende tulole chisyasyo chimo, alolele FIDIYO. Kaneko akambilane yiwusyo ayi.

FIDIYO: Machalichi Gakamuchisye Nawo Pangondo Jaŵili ja Pachilambo Chosope (2:22)

• Ana dini syejinji syatesile chichi pa Ngondo Jaŵili?

• Ana akuganisya kuti dinisi syatesile chenene?

Aŵalanje Yohane 13:34, 35 soni 17:16. Kaneko akambilane yiwusyo ayi:

• Ana Yehofa akusapikana uli pakusiwona dini sili mkukamuchisya nawo ngondo?

• Dini syaunami sikusatenda yindu yakusakala. Ana ayiweni yindu yamtuli yayikulosya kuti dini syaunami syangatenda yindu mwachinonyelo?

6. Mlungu akusaka kuti ŵandu akopoche mu dini syaunami

Aŵalanje Chiwunukuko 18:4,a kaneko akambilane chiwusyo achi:

• Ana wawojo akupikana uli mumtima kumanyilila kuti Mlungu akusaka kwakamuchisya ŵandu wosope kukopoka mu dini syaunami?

7. Apitilisye kulijiganya ya Mlungu jusyesyene

Ana yasikusatenda dini syaunami yikusiyatendekasya wawojo kum’wonaga Mlungu mwakulemwecheka? Tuwanichisye kuti mwanache akukana kwapikanila babagwe, mwamti akutyoka panyumba nikutanda kutenda yindu yakusakala. Babagwewo ngakusangalala ni yakutenda mwanachejo. Ana mpaka chiŵe chilungamo kwajimba magambo babawo ligongo lya yakusakala ya mwanachejo?

• Ana mpaka chiŵe chilungamo kumjimba Yehofa magambo ni kuleka kulijiganya yakwamba jwalakwejo ligongo lya yakusakala yasikusatenda dini syaunami?

YALIJIGANYISYE

Dini syaunami sikusatenda yakutindana ni yakusasaka Mlungu. Sikusatenda yeleyi mwakwiganya yaunami soni kutenda yindu yakusakala. Mlungu chachijonanga dini syaunami.

Yiwusyo Yakuwilisya

• Ana yasikusatenda dini syaunami soni kwiganya yikwatendekasya kupikana uli mumtima?

• Ana Mlungu akusapikana uli mumtima ni yasikusatendaga dini syaunami?

• Ana Mlungu chachitenda yamtuli ku dini syaunami?

YAKULINGA YINESONI

Alole yindu yiŵili yangamsangalasya Mlungu yasikusatenda dini syaunami.

“Ana Dini Syosope Sili Syakulandana? Ana Dinisi Sikusakamuchisya Ŵandu Kummanyilila Mlungu?” (Ngani ja pa intaneti)

Ligongo chichi Yehofa akusasaka kuti tumlambileje yalumo ni achimjetu?

“Ana Yili Yakusosekwa Kuti Mundu Aŵeje mu Dini Jakutenda Yindu Mwakamulana?” (Ngani ja pa intaneti)

Jwamsembe jwalagasikaga nganisyo ni yayatendekwaga mu dini jakwe. Nambo yeleyi nganiyimlepelekasya kulijiganya yisyesyene yakwamba Mlungu.

“Ligongo Lyakwe Jwamsembe Jwalesile Dini Jakwe” (Ajimuche!, Febuluwale 2015)

Dini syaunami siŵele mkwiganya yaunami yakwamba Mlungu. Yeleyi yitendekasisye kuti ŵandu am’woneje Mlungu kuti jwangatuganichisya soni jwangali chanasa. Kwende tulole yisyesyene yakwe ya mabosa gelega.

“Yaunami Yayikusiyatendekasya Ŵandu Kuti Akamnonyelaga Mlungu” (Sanja ja Mlonda, Nofemba 1, 2013)