7, 8. Ana ligongo cici Yehofa mpaka atujimbe magambo ni yatukusaŵeceta?

⁷ Ligongo lyatatu lyatukusasosecela kusamala ni yakuŵeceta yetu lili lyakuti, Yehofa cacitujimba magambo ni yatukusaŵeceta. Yakuŵeceta yetu yangakwaya unasi wetu ni ŵandupe, nambosoni mwakusatuwonela Yehofa. Lilemba lya Yakobo 1:26 likusati: “Naga jwine akulitenda kuti ali jwa dini mnope, nambo ali jwakuŵecetaga yangalumbana, dini jwakwejo jili ja mtega, soni akusagamba kulilambusya.”b Mpela mutwayiwonele mumtwe waupite ula, yatukusaŵeceta yikusakwayana mnope ni kulambila kwetu. Naga ngatukulamulila lulumi lwetu ni kuŵecetaga yindu yakwatengusya, soni kwapweteka ŵane, nikuti yatukusatenda pakutumicila Mlungu mpaka yiŵe yangali mate. Jeleji jili ngani jekulungwa, ngati m’yoyo?​—Yakobo 3:8-10.