Yampaka atende kuti yayili m’kabukuka yakamuchisye
Aŵende mundu kuti ŵakamuchisyeje: Amŵende juŵapele kabukuka kuti ŵajiganyeje Baibulo, kapena aŵende lijiganyo lya Baibulo kupitila pa webusayiti jetu ja, jw.org.
MBALI JANDANDA
Aŵalanje ndime jilijose yimpepe ni yiwusyo yayilembile ni yilembo yepiliwu mnope (A) soni ni malemba gakwe. (B) Malembaga gakugombelechesya mfundo syekulungwakulungwa. Amanyilile kuti malemba gane agalembile kuti “aŵalanje.” Akusosekwa kuŵalanga malembaga yalumo ni jwakwajiganya.
MBALI JAPASIKATI
Maloŵe gandanda pa mbali (C) jakuti Kulijiganya Yejinji gakulondesya yachalijiganye. Tumitwe (D) tukulosya mfundo jekulungwa jakambilana. Aŵalanje malemba, ajanje yiwusyo soni alolele mafidiyo (E).
Alolesoni yipikichala soni maloŵe gakulondesya yipikichalayo (F), soni aganichisye yampaka ajanje pa mbali jakuti Yakusaŵecheta Ŵandu Ŵane (G).
MBALI JAKUMALISYA
Lijiganyo lililyose likumala ni mbali jakuti Yalijiganyisye soni Yiwusyo Yakuwilisya (H). Alembe lisiku lyamalisisye kulijiganya lijiganyoli. Mbali jakuti Akole Chakulinga Achi (I), jikusala yakusosekwa kutenda kuti akamulichisye masengo yalijiganyisyeyo. Mbali jakuti Yakulinga Yinesoni (J) jana ngani syampaka asagule kuti agambe kusiŵalanga kapena kulolela.
Ana mpaka apate chamtuli lilemba m’Baibulo?
Malemba agalembile mwakuya buku ja Baibulo (A), chaputala (B), kaneko fesi kapena mafesi (C). Mwachisyasyo, Yohane 17:3 yikugopolela kuti buku ja Yohane, chaputala 17, fesi 3.