LIJIGANYO 10
Kucengacenga Kapikanice ka Maloŵe
Misyungu 8:4, 7
YACITULIJIGANYE: Asaleje yindu mwakupikanika cenene soni alosyeje kukwayidwa mwakucenga macili ga maloŵe, kapikanice soni kawutuce pakuŵeceta.
MWAMPAKA ATENDELE:
Acenjeje macili ga maloŵe. Ajonjecesyeje macili ga maloŵe gawo pakugombelecesya songa syekulungwa soni kwalimbikasya ŵakupikanila ŵawo. Mpaka atendesoni yeleyi pakuŵalanga lilemba lyakwamba ya cilango. Akusosekwa kutulusya macili ga maloŵe pakwalimbikasya ŵandu kola lung’wanu, woga soni kuganicisya yayikuŵecedwayo.
Acenjeje kapikanice ka maloŵe. Naga yili yakuŵajilwa mu ciŵeceto cawo, aŵeceteje mwakwesya maloŵe pakusaka kulimbikasya, kusala ukulu wa cindu soni ulewu wakwe. Mpakasoni atulusye maloŵe pakuŵeceta ngani jakutesya canasa kapena jakwamba yakulagasika nganisyo.
Acenjeje kawutuce pakuŵeceta. Akusosekwa kuŵeceta mwakuwutuka pakusala yindu yakusangalasya. Aŵeceteje mwapanandipanandi patandite kusala songa syakusosekwa.