KULIPELEKA MU UTUMIKI WA MUMGUNDA | ASANGALALEJE PALI MU UTUMIKI
Twakamuchisyeje Ŵakulijiganya Baibulo Kuti Atande Kusongana
Misongano ja mpingo jili jakusosekwa mnope pakulambila kwetu kweswela. (Sal. 22:22) Wosope ŵakusamlambila Yehofa akusaŵa ŵakusangalala soni jwalakwe akusiŵapa upile. (Sal. 65:4) Jwakulijiganya Baibulo akusajawula pasogolo mwachitema naga akusasimanikwa pamisongano.
Ana mpaka amkamuchisye chamtuli jwakumsajiganya Baibulo kuti atande kusimanikwa pamisongano? Amŵilanjileje ndaŵi syosope. Amlosyesoni fidiyo jakuti Ana ku Nyumba ja Uchimwene Kukusatendekwa Yatuli? Amsalile umbone wakusimanikwa pamisongano. (lff lijiganyo 10) Mpaka amsalile yindu yine yiŵalijiganyisye pamisongano kapena yachakalijiganye pamisongano jakuyichisya. Ampe jwakulijinganyajo mabuku gakulijiganya ku misongano. Amkamuchisyejesoni mmatala gane. Mwachisyasyo mwine mpaka asosekwe kuja kumjigala kapena kumpa mbiya kuti ajendele pa kwika ku misongano. Yosope yampaka atende mpaka yimkamuchisye jwakulijiganya jwawo pasimanikwe pamisongano.—1Ak 14:24, 25.
ALOLELE FIDIYO JAKUTI TWAKAMUCHISYEJE ŴAKULIJIGANYA BAIBULO KUTI ATANDE KUSONGANA, KANEKO AKAMBILANE YIWUSYO AYI:
Ana Nita jwatesile yamtuli kuti amŵilanjile Jedi ku misongano?
Ligongo chichi tukusasangalala jwakulijiganya Baibulo pasimanikwe pamisongano?
“Mlungu ali sikati ja jemanja”
Ana Jedi jwapikene uli pajwayiche ku misongano kandanda?