Rogon ni Nge Yag ni Ngaum Beeg e Bible ni Gubin e Rran

Ba mo’maw’ ngom ni ngam fol ko schedule rom ko beeg Bible ni ga ma tay ni gubin e rran ni bochan e boor ban’en ni ga ma rin’, fa? (Josh. 1:8) Faanra arrogon, mag guy rogon ni ngam rin’ reb e pi n’en baaray:

• Mu tay e alarm ni nge puguran ngom. Mu tay e alarm ko cell phone ara tablet rom ni nge puguran ngom ni ngam beeg e Bible.

• Mu tay e Bible rom nga bang ni ga ra guy riy. Faanra ga ma beeg ba ken e Bible ni kan printnag, mag tay nga bang nib mom ni ga ra guy riy ni gubin e rran.​—Deut. 11:18.

• Mmotoyil ko thin nu Bible ni kan recordnag. Mmotoyil ko pi n’ey u nap’an ni ga be rin’ boch ban’en. Tara nreb e matin nib pioneer ni ma maruwel nnep’ e yog ni gaar, “Bochan nug ma motoyil ko thin nu Bible ni kan recordnag u nap’an nug be rin’ e maruwel rog u tabinaw, ma aram e n’en ma ayuwegeg ni ngaug beeg e Bible ni gubin e rran.”

• Dab mu tal. Faanra ke buch ban’en ma de yag ni ngam beeg e Bible ko ngiyal’ ni kam dugliy ni ngaum beeg riy, mag beeg in e verse u m’on ni ngam mol. Mus ni faanra kemus ni in e verse ni kam beeg u reb e rran, maku ra yib angin ngom.​—1 Pet. 2:2.