Rogon ni Nge Yib Ngan’uy Boch e Thin nu Bible

Bay ba ngiyal’ ni kam guy rogon ni nge yib reb e thin nu Bible ngan’um machane ba mo’maw’, fa? Rayog nreb e thin nu Bible ni ma fal’eg lanin’um, ara ma ayuwegem u nap’an ni ga be lemnag boch ban’en nde puluw, ara reb ni ga baadag ni ngam beeg ngak be’. (Ps. 119:​11, 111) Baaray boch ban’en nrayog ni nge ayuwegem ni nga i yib ngan’um boch e thin nu Bible.

• Mu fanay fare app ni JW Library^®. Mu ngongliy reb e tag mag tay fare thin ngay ni “Thin nu Bible Nug Baadag,” mag tay boch e thin nu Bible ngay ni ga baadag ni nge dab mu pagtalin.

• Mu tay fare thin nu Bible nga bang nrayog ni ngam guy riy. Mu yoloy fare thin nu Bible ni ga baadag ni nge dab mu pagtalin nga bang e babyor, mag tay nga bang nra um guy riy. Bay boch e girdi’ ni yad ma gabdiy ko therek rorad, ma boch e yad ma gabdiy nga dow e mab ko icebox rorad. Ku bay boch e girdi’ ni yad ma fek yaan fare thin nu Bible ngar ted nga bang u lan e computer rorad nrayog ni ngaur guyed ara nga lan e phone rorad.

• Mu ngongliy mag fanay yu yang e card ni bay e thin nu Bible riy. Mu yoloy fare thin nu Bible nga barba’ e re card nem, mag yoloy e n’en be yog nga barba’ riy. Ngemu’ mag yaliy fare thin nu Bible mag guy rogon ni nge yib ngan’um e n’en be yog, ara mu yaliy e n’en be yog mag guy rogon ni nge ngan’um fare thin nu Bible.