Mu Gelnag e Pagan’ Rom Ngak Jehovah Nrayog ni Nge Ayuwegem

Mu beeg e Numbers 13:25–14:4 ni ngam guy rogon nde pagan’ piyu Israel ngak Jehovah.

Mu fil boch ban’en ko thin ni bay u m’on ngu tomuren. Mang fan nsusun e nge pagan’ piyu Israel ngak Jehovah nrayog ni nge ayuweg e yafos rorad u tomuren nra chuwgad u Egypt? (Ps. 78:​12-16, 43-53) Mang e k’aringrad ni nge daki pagan’rad ngak Jehovah? (Deut. 1:​26-28) Uw rogon ni dag Joshua nge Kaleb nib pagan’row ngak Jehovah?​—Num. 14:​6-9.

Mu fal’eg i gay murung’agen. Mang e susun nrayog ni nge rin’ piyu Israel ya nge yag ni gel e pagan’ rorad ngak Jehovah? (Ps. 9:10; 22:4; 78:11) Mang fan nib t’uf ni ngad ted fan Jehovah ni faanra nge pagan’dad ngak?​—Num. 14:11.

Mu guy e n’en nrayog ni ngam fil riy. Mu fithem ni nge lungum:

• ‘Mang boch ban’en nrayog ni nge skengnag rogon e pagan’ rog ngak Jehovah?’

• ‘Uw rogon nrayog ni nggu gelnag e pagan’ rog ngak Jehovah e chiney nge boch nga m’on?’

• ‘Mang e rayog ni ngari pagan’ug ngay u nap’an nra tabab fare gafgow nib ga’?’​—Luke 21:​25-28.