PARTE 1

¿Jaisa juʼu Lioj itou nooka?

Lioj itou nooka Bibliampo luula (2 Timoteeo 3:16)

junaman teekawi Diosta cheʼa yoʼotaka a nesaweka a katekaʼawi, Liojta betana weyemta jumeʼe oʼowim a juʼuneiyatuawak Bibliam am jiʼojtene betchiʼibo

Juʼu Lioj oʼowim am jiʼojtetuak aapoʼik wakaʼa ito betchiʼibo a waataʼuta. Bem jiojtekaʼu Bibliam tea. Inim teuwawame eiya maisi maachi intok Lioj itom a juʼuneiyaʼiia.

Lioj siʼimeta juʼuneiya intok jita cheʼa tuʼi ito betchiʼibo. Itepo a nok jikkajako, tuʼik te yeu puʼane itom jiapsaapo amani (Epeesiom 1:17; Luukas 11:28).

Jume Bibliam juebena nokpo nok kuaktarimme; senu oʼou Bibliam leyeroa aapoʼik nokpo weyemta

Aapo juʼu Lioj siʼimem inim Bwiapo jiapsame jume Bibliam taʼaʼiia. Kialikun juebena nokpo nok kuaktarimme.

Itepo Liojta nok jikkajipeateko, Bibliammea te ito majtane intok tuʼisi te a mammattene.

Juebena yoemra siʼime aniachi Liojta betana majtawamme (Mateeo 28:19)

Senu Jehováta testigo texto bíblicota senu oʼoutau leyeroa

Jume Jehovata testigom aa enchi aniane Bibliam em mammattene betchiʼibo.

Bempo siʼime aniat juka lutuʼuriata Liojta betana yee majta.

Nau yajilam Jehováta testigom Salón del Reinopo

Empo cheʼa Liojta betana a taʼane, jume Jehovata testigom nau yaajapo enchi aman siiko. Empo kaita bejeʼetuaka majtana.