¿Jita ama yeu siika Bebejeʼerita nok jikkajaka betchiʼibo?

Adan intok Eva ka Liojta am nok jikkajaka betchiʼibo, im kokkok (Genesis 3:6, 23; 2 Korintiom 11:3)

Eva juka bakotta nok jikkajak intok aapo a bwaʼaka juka juya takata. Chukula intok, Adanta a miikak, aapo intok ket a bwaʼaka.

Junuʼu bem yaʼakaʼu ka tuʼuwa yaʼari. Lioj Adanta intok Evata yeam beebak bem ujyoli bwiapo.

Juʼu jiapsiwame obiachisi ameu yeu simtaitek intok a usiwam betchiʼibo. Wasuktiammake yoʼotuimtuk intok kokkok. Katim teekau bicha sajak, kaʼakun bicha juniʼi; kia luʼutekamme.

Jume kokkolame bwiata benasi tatawa, kaita intok im aa yaʼane (1 Korintiom 15:47, 48)

Siʼime itepo Adantat intok Evatat te yeu sakaʼala. Junue betchiʼibo, itepo ket kokko. Jume mukilam kaita aa bicha, kaita aa jikkaja, intok kaita aa jooamme (Joan 11:11-14).

Jehova yoemrata ka kokkoʼiian. Aapo lauti jeela jume mukilam jiabijtetuane. Bempo Liojta nok jikkajako, jakko juniʼi ka kokkonemme.