PARTE 9

¿Jakkosatune juʼu ujyoli Bwia?

Ian ka tuʼik itom bichaʼu a bittebo Liojta Yaʼura aabe a yepsaapo (Luukas 21:10, 11; 2 Timoteeo 3:1-5)

Taewaim luʼutisimepo bettesi itou weyeme: tomipo nau yeuwame,nau nassuawame, koʼokoam,tebaa,usiwaim bem achaiwam ka nok jikkaja intok joʼarapo nau nassuawame

Binwatuk naʼateka, juʼu Biblia jaibu a teuwalatukan ian ka tuʼik ayukamta, jume usiwaim bem achaiwam ka nok jikkajine, kaabeta jiokoli taʼane,tomita nak eiyane intok bem alleeneʼuta jariune.

Intok ket a teuwak bweʼusi bwia au yoamta, nau nassuawamta, tebaata, intok koʼokoam oʼomotsu ausimne. Ian siʼimekinikaʼa te bicha.

Senu Jehováta testigo senu oʼoutau Liojta Yaʼura betana waka tuʼi nokta au teuwa

Jesus jume tuʼu nookim Liojta Yaʼura betana siʼime aniat am nok naikimtena ti jiiak (Mateeo 24:14).

Juʼu Liojta Yaʼura siʼime ka tuʼuwata a luʼutane (2 Peeo 3:13)

Ka tuʼuwata boʼo jooame luutana Armagedómpo intok aet chukula juʼu Bebejeʼeri intok jume lemoniom luutabawamme

Jehova lauti jeela jume ka tuʼik jooame am luʼutabae.

Juʼu Bebejeʼeri intok jume lemoniom wiutabawamme.

Jesús yoʼotaka yejte jum teekapo; yoemra ka nanau maachi sim allea

Juʼu yoemia Liojta nok jikkajame inimeʼe bemela aniapo jiapsine. Junamaʼa kaabe majaune ala yanti jiapsina. Siʼime nat eene intok emo nau nakne.