14 Ó fi àwọn àwùjọ ọmọ ogun àdádó sí Édómù. Gbogbo Édómù ni ó fi àwọn àwùjọ ọmọ ogun àdádó sí, gbogbo àwọn ọmọ Édómù sì di ìránṣẹ́ Dáfídì.+ Jèhófà sì ń jẹ́ kí Dáfídì ṣẹ́gun* ní ibikíbi tó bá lọ.+

2 Jèhófà sọ pé, “Mo ti fi hàn pé mo nífẹ̀ẹ́ yín.”+

Àmọ́, ẹ sọ pé: “Kí lo ṣe tó fi hàn pé o nífẹ̀ẹ́ wa?”

Jèhófà sọ pé, “Ṣebí ọmọ ìyá ni Jékọ́bù àti Ísọ̀?+ Àmọ́ mo nífẹ̀ẹ́ Jékọ́bù, 3 mo sì kórìíra Ísọ̀;+ mo sọ àwọn òkè rẹ̀ di ahoro,+ màá jẹ́ kí àwọn ajáko* inú aginjù gba ogún rẹ̀.”+

10 Kì í ṣe ìgbà yẹn nìkan, àmọ́ ó tún ṣẹlẹ̀ nígbà tí Rèbékà lóyún ìbejì fún ọkùnrin kan, ìyẹn Ísákì baba ńlá wa;+ 11 torí nígbà tí wọn ò tíì bí wọn tàbí tí wọn ò tíì ṣe rere tàbí búburú, kí ìpinnu Ọlọ́run lórí yíyàn má bàa jẹ́ nípa àwọn iṣẹ́, àmọ́ kó jẹ́ nípa Ẹni tó ń peni, 12 a sọ fún un pé: “Ẹ̀gbọ́n ni yóò jẹ́ ẹrú àbúrò.”+ 13 Bó ṣe wà lákọsílẹ̀ pé: “Mo nífẹ̀ẹ́ Jékọ́bù, àmọ́ mo kórìíra Ísọ̀.”+