6 Nígbà tó yá, àwọn ọmọ Ámónì rí i pé àwọn ti di ẹni ìkórìíra lójú Dáfídì, torí náà, Hánúnì àti àwọn ọmọ Ámónì fi ẹgbẹ̀rún (1,000) tálẹ́ńtì* fàdákà ránṣẹ́ láti háyà àwọn kẹ̀kẹ́ ẹṣin àti àwọn agẹṣin láti Mesopotámíà,* Aramu-máákà àti Sóbà.+ 7 Bí wọ́n ṣe háyà ẹgbẹ̀rún méjìlélọ́gbọ̀n (32,000) kẹ̀kẹ́ ẹṣin nìyẹn pẹ̀lú ọba Máákà àti àwọn èèyàn rẹ̀. Ìgbà náà ni wọ́n wá, wọ́n sì pàgọ́ síwájú Médébà.+ Àwọn ọmọ Ámónì kóra jọ láti àwọn ìlú wọn, wọ́n sì jáde wá jagun.