10 Rèhóbóámù lọ sí Ṣékémù,+ nítorí gbogbo Ísírẹ́lì ti wá sí Ṣékémù láti fi í jọba.+ 2 Gbàrà tí Jèróbóámù+ ọmọ Nébátì gbọ́ (ó ṣì wà ní Íjíbítì torí ó ti sá lọ nítorí Ọba Sólómọ́nì),+ Jèróbóámù pa dà wá láti Íjíbítì. 3 Lẹ́yìn náà, wọ́n ránṣẹ́ pe Jèróbóámù, òun àti gbogbo Ísírẹ́lì sì wá bá Rèhóbóámù, wọ́n sọ pé: 4 “Bàbá rẹ mú kí àjàgà wa wúwo.+ Àmọ́ tí o bá mú kí iṣẹ́ tó nira tí bàbá rẹ fún wa rọ̀ wá lọ́rùn, tí o sì mú kí àjàgà tó wúwo* tó fi kọ́ wa lọ́rùn fúyẹ́, a ó máa sìn ọ́.”