• Àìsáyà 47:13
    Bíbélì Mímọ́ ti Ìtumọ̀ Ayé Tuntun

    • 13 Ọ̀pọ̀lọpọ̀ àwọn agbani-nímọ̀ràn rẹ ti tán ọ lókun.

      Kí wọ́n dìde báyìí, kí wọ́n sì gbà ọ́ là,

      Àwọn tó ń jọ́sìn ọ̀run,* tí wọ́n ń wo ìràwọ̀,+

      Àwọn tó ń fúnni ní ìmọ̀ nígbà òṣùpá tuntun,

      Nípa àwọn ohun tó máa ṣẹlẹ̀ sí ọ.

  • Jeremáyà 51:57
    Bíbélì Mímọ́ ti Ìtumọ̀ Ayé Tuntun

    • 57 Màá mú kí àwọn ìjòyè rẹ̀ àti àwọn amòye rẹ̀ mutí yó,+

      Àwọn gómìnà rẹ̀ àti àwọn ìjòyè rẹ̀ àti àwọn jagunjagun rẹ̀,

      Wọ́n á sì sùn títí lọ,

      Wọn ò sì ní jí,”+ ni Ọba wí, ẹni tí orúkọ rẹ̀ ń jẹ́ Jèhófà Ọlọ́run àwọn ọmọ ogun.

  • Dáníẹ́lì 5:7
    Bíbélì Mímọ́ ti Ìtumọ̀ Ayé Tuntun

    • 7 Ọba ké jáde pé kí wọ́n ránṣẹ́ pe àwọn pidánpidán, àwọn ará Kálídíà* àti àwọn awòràwọ̀.+ Ọba sọ fún àwọn amòye Bábílónì pé: “Ẹnikẹ́ni tó bá ka ọ̀rọ̀ yìí, tó sì sọ ìtumọ̀ rẹ̀ fún mi, a máa fi aṣọ aláwọ̀ pọ́pù wọ̀ ọ́, a máa fi ìlẹ̀kẹ̀ wúrà sí i lọ́rùn,+ ó sì máa di igbá kẹta nínú ìjọba.”+