Àwọn Ìfilọ̀

Ìwé ìkẹ́kọ̀ọ́ tá a ó lò lóṣù July àti August: Èyíkéyìí nínú àwọn ìwé pẹlẹbẹ olójú ewé 32 yìí ni kẹ́ ẹ lò: Akoso Naa Ti Yoo Mu Paradise Wá, Ẹmi Awọn Oku—Wọn Ha Le Ran Ọ Lọwọ Tabi Pa Ọ Lara Bi? Wọn Ha Wa Niti Gidi Bi?, Gbádùn Iwalaaye lori Ilẹ Ayé Titilae!, Ìwé Kan Tí Ó Wà fún Gbogbo Ènìyàn, Iwọ Ha Nilati Gbàgbọ́ Ninu Mẹtalọkan Bí? Ki Ni Ète Igbesi-Aye? Bawo Ni Ìwọ Ṣe Le Rí I?, Kí Ní Ń Ṣẹlẹ̀ sí Wa Nígbà Tí A Bá Kú?, Nígbà Tí Ẹnìkan Tí Ìwọ Fẹ́ràn Bá Kú, Orukọ Atọrunwa naa Tí Yoo Wà Titilae, Ọlọ́run Ha Bikita Nipa Wa Niti Gidi Bi?, Ọ̀nà Tó Lọ sí Ìyè Àìnípẹ̀kun—Ṣé O Ti Rí I?, “Sawo O! Emi Nsọ Ohun Gbogbo Di Ọtun.” September: Ìwé Sún Mọ́ Jèhófà la ó lò. Ẹ sì lè lo ìwé Àsọtẹ́lẹ̀ Dáníẹ́lì tàbí ìwé pẹlẹbẹ Ẹ Máa Ṣọ́nà bí àfirọ́pò. October: Ìwé ìròyìn Ilé Ìṣọ́ àti Jí! ni kẹ́ ẹ lò. Báwọn èèyàn bá fìfẹ́ hàn, jọ̀wọ́ fún onílé ní ìwé pẹlẹbẹ Béèrè. Bó o bá sì ń padà lọ, kó o ní in lọ́kàn láti bẹ̀rẹ̀ ìkẹ́kọ̀ọ́ Bíbélì inú ilé.

◼ Láti oṣù September lọ, ẹṣin ọ̀rọ̀ àsọyé fún gbogbo èèyàn tí àwọn alábòójútó àyíká yóò máa sọ ni, “Kí Nìdí Tó Fi Yẹ Kó O Jẹ́ Kí Bíbélì Máa Ṣamọ̀nà Rẹ̀?”

◼ Kí gbogbo ìjọ tá a ní kí wọ́n lọ ṣèpàdé ní Àpéjọ Àgbègbè ti Uzuakoli 9 jọ̀wọ́ kíyè sí i pé àpéjọ náà yóò wáyé lédè Gẹ̀ẹ́sì, kò ní jẹ́ lédè Ìgbò mọ́ báa ṣe sọ tẹ́lẹ̀ nínú àkìbọnú Iṣẹ́ Òjíṣẹ́ Ìjọba Wa ti April 2005. Bákan náà, Àpéjọ Àgbègbè ti Dálùwọ́n 6 yóò jẹ́ lédè Yorùbá.

◼ A fi fọ́ọ̀mù nípa àwọn tó mọ̀ọ́kọ mọ̀ọ́kà, ìyẹn Literacy Report, méjì-méjì ránṣẹ́ sí ìjọ kọ̀ọ̀kan. Bẹ́ ẹ bá ti kọ ọ̀rọ̀ sínú fọ́ọ̀mù méjèèjì, ẹ jọ̀wọ́ ẹ fi ẹ̀dà kan ránṣẹ́ sí ẹ̀ka ọ́fíìsì ní August 1. Kẹ́ ẹ tọ́jú ẹ̀dà kejì sínú fáìlì ìjọ. Ẹ jọ̀wọ́, ẹ kíyè si pé bí gbogbo akéde ìjọ yín bá tiẹ̀ mọ̀ọ́kọ mọ̀ọ́kà, tàbí tí ẹ kò bá ní kíláàsì mọ̀ọ́kọ mọ̀ọ́kà kankan, a ṣì máa fẹ́ kẹ́ ẹ kọ ọ̀rọ̀ sínú fọ́ọ̀mù méjèèjì, kẹ́ ẹ sì fi ránṣẹ́ sí ẹ̀ka ọ́fíìsì kí ìsọfúnni tá a ní lọ́wọ́ lè péye.

◼ A dábàá pé kẹ́ ẹ máa fi àwọn ìwé ìwọṣẹ́ aṣáájú-ọ̀nà déédéé ránṣẹ́ sí ẹ̀ka ọ́fíìsì, ó pẹ́ tán, lóṣù kan ṣáájú déétì tí akéde náà fẹ́ láti bẹ̀rẹ̀. Kí akọ̀wé rí i pé àwọn ìsọfúnni tó wà nínú àwọn fọ́ọ̀mù náà pé pérépéré. Báwọn tó fẹ́ di aṣáájú-ọ̀nà ò bá lè rántí ọjọ́ tí wọ́n ṣèrìbọmi, kí wọ́n fojú bu déétì kan, kí wọ́n sì kọ ọ́ síbì kan. Kí akọ̀wé kọ déétì náà sórí káàdì Congregation’s Publisher Record (S-21), ìyẹn àkọsílẹ̀ akéde ìjọ.

◼ Kí àwọn akọ̀wé ìjọ máa rí i pé lẹ́tà tá a fi yan àwọn aṣáájú ọ̀nà déédéé kọ̀ọ̀kan nínú ìjọ, ìyẹn Pioneer Appointment Letter (S-202), wà lọ́wọ́. Bí ti aṣáájú ọ̀nà èyíkéyìí ò bá sí nínú fáìlì ìjọ, kí wọ́n jọ̀wọ́ kọ̀wé láti béèrè fún un ní ẹ̀ka ọ́fíìsì.