APRIL 28–MAY 4
ÒWE 11
Orin 90 àti Àdúrà | Ọ̀rọ̀ Ìbẹ̀rẹ̀ (1 min.)
1. Má Ṣe Sọ Ọ̀rọ̀ Tí Kò Yẹ!
(10 min.)
Má ṣe sọ ọ̀rọ̀ tó máa ba “ọmọnìkejì” rẹ lórúkọ jẹ́ (Owe 11:9; w02 5/15 26 ¶4)
Má ṣe sọ ọ̀rọ̀ tó máa da àárín àwọn èèyàn rú (Owe 11:11; w02 5/15 27 ¶2-3)
Má ṣe sọ ọ̀rọ̀ àṣírí síta (Owe 11:12, 13; w02 5/15 27 ¶5)
RONÚ LÓRÍ ÌBÉÈRÈ YÌÍ: Báwo ni ohun tí Jésù sọ ní Lúùkù 6:45 ṣe lè ràn wá lọ́wọ́ ká má bàa sọ ohun tí kò dáa nípa àwọn ẹlòmíì?
2. Àwọn Ẹ̀kọ́ Iyebíye Míì
(10 min.)
Owe 11:17—Àǹfààní wo la máa rí tá a bá jẹ́ onínúure? (g20.1 11, àpótí)
Àwọn ẹ̀kọ́ iyebíye wo lo rí nínú Bíbélì kíkà ọ̀sẹ̀ yìí tí wàá fẹ́ sọ?
3. Bíbélì Kíkà
(4 min.) Owe 11:1-20 (th ẹ̀kọ́ 5)
4. Bá A Ṣe Lè Bẹ̀rẹ̀ Ọ̀rọ̀ Wa
(4 min.) ÌWÀÁSÙ ÀÌJẸ́-BÍ-ÀṢÀ. Lo àǹfààní tó yọ láti sọ ohun tó o kọ́ nípàdé lẹ́nu àìpẹ́ yìí fún ẹnì kan. (lmd ẹ̀kọ́ 2 kókó 4)
5. Pa Dà Lọ
(4 min.) ÌWÀÁSÙ ÀÌJẸ́-BÍ-ÀṢÀ. Fi ọ̀kan lára àwọn fídíò tó wà nínú Àpótí Ìkọ́nilẹ́kọ̀ọ́ han ẹni náà. (lmd ẹ̀kọ́ 8 kókó 3)
6. Sọ Àwọn Èèyàn Di Ọmọ Ẹ̀yìn
(4 min.) ÌWÀÁSÙ NÍBI TÍ ÈRÒ PỌ̀ SÍ. Bi ẹni náà bóyá ó máa fẹ́ kẹ́kọ̀ọ́ Bíbélì, kó o sì fi bá a ṣe ń ṣe é hàn án. (lmd ẹ̀kọ́ 10 kókó 3)
Orin 157
7. Má Ṣe Fi Ọ̀rọ̀ Ẹnu Rẹ Dá Wàhálà Sílẹ̀
(15 min.) ìjíròrò.
A máa ń ṣi ọ̀rọ̀ sọ nígbà míì torí pé aláìpé ni wá. (Jem 3:8) Àmọ́, tá a bá fi sọ́kàn pé ọ̀rọ̀ ẹnu wa lè dá wàhálà sílẹ̀, á jẹ́ ká máa ṣọ́ ohun tá à ń sọ ká má bàa sọ ohun tá a máa kábàámọ̀. Díẹ̀ rèé lára àwọn ọ̀rọ̀ tó lè dá wàhálà sílẹ̀ nínú ìjọ:
Kéèyàn máa fọ́nnu. Ẹni tó bá ń fọ́nnu lè mú káwọn míì máa jowú tàbí kí wọ́n máa bá ara wọn díje.—Owe 27:2
Ọ̀rọ̀ tí kì í ṣe òótọ́. Èyí kọjá kéèyàn kàn máa parọ́, ó tún kan kéèyàn mọ̀ọ́mọ̀ sọ ohun tó máa ṣi àwọn míì lọ́nà. Kódà kó jẹ́ ìwà àìṣòótọ́ tó dà bíi pé kò tó nǹkan la hù, ó lè bà wá lórúkọ jẹ́ káwọn èèyàn má sì fọkàn tán wa mọ́.—Onw 10:1
Òfófó. Ẹni tó bá ń ṣòfófó máa ń tojú bọ ọ̀rọ̀ tí kò kàn án nípa ìgbésí ayé àwọn ẹlòmíì. Ohun tó máa ń sọ nípa àwọn èèyàn lè má jẹ́ òótọ́ délẹ̀délẹ̀ tàbí kó máa sọ ọ̀rọ̀ àṣírí wọn. (1Ti 5:13) Irú nǹkan bẹ́ẹ̀ lè dìjà kó sì da àárín àwọn èèyàn rú
Ọ̀rọ̀ téèyàn fìbínú sọ. Èyí ni ọ̀rọ̀ tí kò dáa téèyàn sọ láìronú sẹ́ni tó múnú bí i. (Ef 4:26) Irú ọ̀rọ̀ bẹ́ẹ̀ máa ń dunni.—Owe 29:22
Jẹ́ káwọn ará wo FÍDÍÒ Ẹ Yẹra fún Ohun Tó Lè Ba Àlàáfíà Jẹ́—Àyọlò. Lẹ́yìn náà, béèrè pé:
Kí lo rí kọ́ nípa ìdí tó fi yẹ ká kíyè sí ohun tá à ń sọ?
Tó o bá fẹ́ mọ ohun tí wọ́n ṣe tí àlàáfíà fi pa dà wà láàárín wọn, wo fídíò ‘Máa Wá Àlàáfíà, Kó O sì Máa Lépa Rẹ̀.’
8. Ìkẹ́kọ̀ọ́ Bíbélì Ìjọ
(30 min.) bt orí 25 ¶14-21