Ti Ta Ni A Jẹ́?

1. Ti ta ni ìwọ jẹ́?

Ọlọ́run wo ni ò ń sìn?

Ẹni tí o bá ń ṣègbọràn sí

L’ọlọ́run rẹ, tó ń darí rẹ.

Kò ṣeé ṣe láti sin

Ọlọ́run méjì pa pọ̀.

Ohun tó bá wà lọ́kàn rẹ ló máa

Pinnu èyí tó o máa yàn.

2. Ti ta ni ìwọ jẹ́?

Ọlọ́run wo ni ò ń sìn?

Ọ̀kan jẹ́ òótọ́, ọ̀kan jékèé.

Yan èyí tó o fẹ́ fúnra rẹ.

Ṣé Ọba ayé yìí

Lo ṣì ń fi ọkàn rẹ sìn?

Àbí wàá sin Ọlọ́run òtítọ́,

Kó o sì máa ṣe ìfẹ́ rẹ̀?

3. Ti ta ni èmi jẹ́?

Jáà ni màá ṣègbọràn sí.

Bàbá mi ọ̀run lèmi yóò sìn.

Màá san gbogbo ẹ̀jẹ́ mi fún un.

Iye ńlá ló rà mí;

Tọkàntọkàn ni màá sìn ín.

Gbogbo ọjọ́ ayé mi ni màá fi

Gbé orúkọ ńlá rẹ̀ ga.