Àdúrà Ìránṣẹ́ Ọlọ́run

1. Alágbára, Jèhófà Bàbá wa,

Kórúkọ ńlá rẹ di sísọ di mímọ́.

Alèwílèṣe, jọ̀ọ́, à ń bẹ̀ ọ́.

À ń gbàdúrà kí Ìjọba rẹ dé

Lákòókò tó o ti ṣètò,

Ká lè rí ìbùkún gbà.

2. O ṣé tó ò ń bù kún wa lójoojúmọ́.

Àwọn ẹ̀bùn rere tó ò ńfún wa pọ̀ gan-an.

Ò ń fún wa níyè àt’ìmọ́lẹ̀.

Ò ń fún wa lọ́gbọ́n, ìmọ̀ àtòye.

A ó máa dúpẹ́, a ó yìn ọ́

Lójoojúmọ́ ayé wa.

3. Ìpọ́njú pọ̀ gan-an nínú ayé yìí.

À ń wojú rẹ, jọ̀wọ́ wá tù wá nínú.

Gbogbo àníyàn wa là ń kó wá.

Fún wa lókun, má ṣe jẹ́ ká bọ́hùn.

Jọ̀ọ́, jẹ́ ká lè ṣèfẹ́ rẹ,

Ká sì mú ẹ̀jẹ́ wa ṣẹ.