Àṣàrò Ọkàn Mi

1. Kí àwọn èrò ọkàn mi,

Tí mò ń ṣàṣàrò lé lórí

Máa múnú rẹ dùn, Jèhófà,

Kó sì mú kí n dúró ṣinṣin.

T’àníyàn bá bò mí mọ́lẹ̀,

Tí kò jẹ́ kí n lè sùn lóru,

Kí n máa rántí rẹ, Jèhófà,

Àti àwọn ohun tó tọ́.

2. Gbogbo ohun tó jẹ́ mímọ́

Àti àwọn ìwà rere;

Ohun tá à ń sọ̀rọ̀ rẹ̀ dáadáa,

Ni mo fẹ́ máa rò lọ́kàn mi.

Jáà, ìrònú rẹ dára gan-an!

Ó pọ̀ kọjá àfẹnusọ.

Màá ṣàṣàrò lé ọ̀rọ̀ rẹ,

Jọ̀ọ́, jẹ́ kó máa gbà mí lọ́kàn.