Ẹ Má Bẹ̀rù Wọn!

1. Èèyàn mi, ẹ tẹ̀ síwájú,

Ẹ wàásù Ìjọba náà.

Ẹ má ṣe bẹ̀rù ọ̀tá.

Ẹ jẹ́ kí aráyé mọ̀

Pé Jésù Ọmọ mi, Ọba

Ti lé ọ̀tá jù sáyé.

Láìpẹ́, yóò mú Èṣù, yóò sì

Tú àwọn tó dè sílẹ̀.

2. Bí àwọn ọ̀tá yín tiẹ̀ pọ̀,

Tí wọ́n sì ń halẹ̀ mọ́ yín,

Tí wọ́n ń fi yín ṣẹlẹ́yà,

Kí wọ́n lè ṣì yín lọ́nà,

Ẹ má bẹ̀rù, ẹ̀yin tèmi

Bí wọ́n tiẹ̀ ń fìyà jẹ yín.

Èmi yóò pa olóòótọ́ mọ́

Títí wọn yóò fi ṣẹ́gun.

3. Má ṣe rò pé mo pa ọ́ tì,

Èmi ṣì ni ààbò rẹ.

Tó bá ṣẹlẹ̀ pé o kú,

Èmi yóò jí ọ dìde.

Má bẹ̀rù àwọn tó ń para,

Tí wọn kò lè pa ọkàn.

Jẹ́ olóòótọ́ títí dópin,

Màá fún ọ ládé ìyè!