ORIN 92
Ibi Tá À Ń Fi Orúkọ Rẹ Pè
Bíi Ti Orí Ìwé
1. Àǹfààní ńlá lèyí jẹ́ fún wa
Láti kọ́ ilé yìí fún ọ!
Gbogbo ohun tá a ní, tìrẹ ni.
A fi ń buyì fórúkọ rẹ.
Tọkàntọkàn la ń fi iṣẹ́ wa,
Okun wa, ohun ìní wa,
Bọlá fún orúkọ mímọ́ rẹ.
Ọlọ́run wa, jọ̀ọ́ tẹ́wọ́ gbà á.
(ÈGBÈ)
Ilé náà rè é níwájú rẹ,
Tá ó máa forúkọ rẹ pè.
A ti yà á sí mímọ́ fún ọ;
Tìrẹ ni títí láéláé.
2. Ní báyìí, a gbórúkọ rẹ ga,
Kógo àtìyìn jẹ́ tìrẹ.
Kí àwọn tó ń kẹ́kọ̀ọ́ nípa rẹ
Máa pọ̀ sí i nínú ilé yìí.
A ó máa jọ́sìn rẹ nínú ‘lé yìí,
A ó sì máa tọ́jú rẹ̀ dáadáa.
Kó lè máa jẹ́rìí fáwọn èèyàn,
Kó tiṣẹ́ ‘wàásù wa lẹ́yìn.
(ÈGBÈ)
Ilé náà rè é níwájú rẹ,
Tá ó máa forúkọ rẹ pè.
A ti yà á sí mímọ́ fún ọ;
Tìrẹ ni títí láéláé.
(Tún wo 1 Ọba 8:18, 27; 1 Kíró. 29:11-14; Ìṣe 20:24.)