Àlàyé Ìsàlẹ̀ Ìwé

a Àwọn ògbógi kíyè sí i pé bó tilẹ̀ jẹ́ pé ọ̀pọ̀ àwọn ọmọ tí wọ́n bá ṣèṣekúṣe lè má sọ nǹkan kan, wọ́n ṣì máa ń fi hàn lọ́nà míì pé ẹnì kan ti báwọn ṣèṣekúṣe. Bí àpẹẹrẹ, bí ọmọ kan bá ṣàdédé bẹ̀rẹ̀ sí í hùwà tó ti fi sílẹ̀ nígbà tó wà lọ́mọdé, bíi kó máa tọ̀ sílé, kó máa lọ́ máwọn òbí ẹ̀ káàkiri, tàbí kí ẹ̀rù máa bà á láti dá wà, ìyẹn lè jẹ́ àpẹẹrẹ pé láburú kan tó ń bà á nínú jẹ́ ti ṣẹlẹ̀ sí i. Kò wá pọn dandan pé kéèyàn máa wo irú àpẹẹrẹ bẹ́ẹ̀ gẹ́gẹ́ bí ẹ̀rí pé wọ́n ti bá ọmọ náà ṣèṣekúṣe. Fara balẹ̀ wádìí lọ́dọ̀ ọmọ rẹ kó o bàa lè mọ ohun tó ń dà á lọ́kàn rú, kó o bàa lè sọ̀rọ̀ ìtùnú fún un, kó o mú un lọ́kàn lé, kó o sì dáàbò bò ó.