Àlàyé Ìsàlẹ̀ Ìwé

b Ìwé kan tó ń sọ ìtàn àwọn Júù sọ pé lọ́pọ̀ ọdún lẹ́yìn náà àwọn èèyàn kan fẹ̀hónú hàn torí pé iye tí wọ́n ń ta àdàbà nínú tẹ́ńpìlì ti pọ̀ jù. Ọjọ́ yẹn gangan ni wọ́n dín iye tí wọ́n ń tà á kù. Bí àpẹẹrẹ, ká ní wọ́n ń ta ọjà kan ní ẹgbẹ̀rún kan (1,000) náírà, wọ́n sọ ọ́ di náírà mẹ́wàá! Ta ló ń gba èyí tó pọ̀ jù nínú èrè táwọn oníṣòwò ń rí lórí owó ẹran tí wọ́n ń tà nínú tẹ́ńpìlì yẹn? Àwọn òpìtàn kan sọ pé agbo ilé Ánásì Àlùfáà Àgbà ló ni àwọn ọjà tí wọ́n ń tà nínú tẹ́ńpìlì yẹn, wọ́n sì gbà pé èyí ló sọ agbo ilé àlùfáà náà di ọlọ́rọ̀.​—Jòhánù 18:13.