Àlàyé Ìsàlẹ̀ Ìwé

a Bí àwọn Ẹlẹ́rìí Jèhófà ti ń ṣalágbàwí Ìjọba Ọlọ́run, wọn kì í lọ́wọ́ sí ìṣèlú, bẹ́ẹ̀ ni wọn kì í ṣọ̀tẹ̀ sáwọn ìjọba ayé, kódà láwọn ilẹ̀ tí wọ́n ti fòfin de àwọn Ẹlẹ́rìí tàbí tí wọ́n ti ń ṣe inúnibíni sí wọn pàápàá. (Títù 3:1) Dípò ìyẹn, wọ́n ń kó ipa tó dára, tó jẹ́ tẹ̀mí, tí kò sì jẹ mọ́ ti ìṣèlú bí Jésù àtàwọn ọmọ ẹ̀yìn rẹ̀ ọ̀rúndún kìíní ti ṣe. Onírúurú àwùjọ táwọn Ẹlẹ́rìí wà ni wọ́n ti ń sapá láti ran àwọn tó nífẹ̀ẹ́ òdodo lọ́wọ́ kí wọ́n lè mú ìwà ọmọlúwàbí gbígbámúṣé tó wà nínú Bíbélì dàgbà, irú bí ìfẹ́ nínú ìdílé, àìlábòsí, ìwà mímọ́, àti jíjẹ́ òṣìṣẹ́ kára. Ní pàtàkì jù lọ, wọ́n ń sapá láti kọ́ wọn bí wọ́n ṣe máa tẹ̀ lé àwọn ìlànà Bíbélì, tí wọ́n á sì máa wo Ìjọba Ọlọ́run bí ojúlówó ìrètí fún ìran ènìyàn.