Jèhófà, Ọlọ́run Àlàáfíà

1. Ọlọ́run onífẹ̀ẹ́,

Jọ̀ọ́, fún wa ní àlàáfíà

Tó o ṣèlérí pó o máa fún wa

Nípasẹ̀ ẹ̀mí mímọ́.

Ìgbàgbọ́ tí a ní

Nínú Jésù Ọmọ rẹ

Ló mú ká sún mọ́ ọ, ká sì

Wà lálàáfíà pẹ̀lú rẹ.

2. Ẹ̀mí rẹ ń ṣèrànwọ́

Láyé tó ṣókùnkùn yìí.

Ọ̀rọ̀ rẹ ń tàn bí ìmọ́lẹ̀,

Ó ń tọ́ wa, ó ń pa wá mọ́.

Láìpẹ́, Ìjọba rẹ

Yóò fòpin sí ‘ṣòro wa.

Ṣùgbọ́n báyìí, ràn wá lọ́wọ́

Ká lè máa wà lálàáfíà.

3. Àwa ìránṣẹ́ rẹ

Ní ọ̀run àti láyé,

O fìfẹ́ kó gbogbo wa jọ;

À ń kọ́wọ́ ti ’Jọba rẹ.

Láìpẹ́, yóò dé sáyé,

Yóò sì fòpin sí ogun.

Àwọn olódodo máa yọ̀,

Wọn yóò máa gbé lálàáfíà.